غزه ساغلیقنی سقلش رسمیلری، اسرائیل حربی کوچلرینینگ اوشبو حدود ایریم قسملریده اویوشتیرگن هجوملری عاقبتیده کمیده ۷ کیشی هلاک بولگن و ینه ایریم کیشیلر یرهلنگنینی معلوم قیلگنلر.
خلقارا ییتکرمهلر، بوگون (۴ سنبله/۲۶ آگست، چهارشنبه) ترقهتگن گزارشلریده، اسرائیل بیتلاهیاده بیر یشش اوی و خانیونس المواصی حدودیده تینچ اهالی ییغیلیشینی نشانگه آلگنینی ایتگنلر.
شو بیلن بیرگه، فلسطینلیکلر اوچون طبی یاردم کورسهتووچی تشکیلات، اسرائیل هجوملریده بالهلر، حاملهدار عیاللر و سوت بیروچی آنهلر اوچون آزیق-آوقت امباری بوزیلگن و او ییردهگی برچه مواد توپراق آستیده قالیب کیتگنینی بیلدیرگن.
بو امبار، محلی انسان پرورلیک تشکیلاتی گه تیگیشلی بولیب و دییرلی ۶۰ ساغلیق مرکزنی قوللب-قوتلردی؛ بو مرکزلر هر کونی قریب ۱۰۰ نفر عیال و باله گه خذمت کورستهدی.
اوشبو هجوملر و آتیش کیسیننی بوزیش، امریکا جمهور باشلیغی دونالد ترامپ ایلگریراق اسرائیلدن غزه گه هجوملرینی توختهتیشنی سورهگن بیرحالده اویوشتیریلگن.
