روسیه و اوکراین اورتهسیدهگی اوزارا هجوملر دوامیده، ایکی مملکتده کمیده ۲۲ کیشی اولیب و باشقه اونلب کیشی یرهلنگن.
خلقارا ییتکرمهلرنینگ بوگون (۱۳-اسد/۴-اگست، سهشنبه)، گزارش بیریشیچه، ایکی تامان آرهسیده یوز بیرگن اوزارا هجوملر نتیجهسیده، روسیه ده ۱۱ کیشی و اوکراین ده ۱۱ کیشی اولگن.
روسیه رسمیلریگه کوره، کریمه، کراسنودار و بلگورود منطقهلریگه اوکراین آرقهلی اویوشتیریلگن هجوملرده، کمیده ۱۱ کیشی اولیب و ۵۹ کیشی یرهلنگن.
شونینگدیک اوکراین رسمیلری، روسیهنینگ دنیپروپتروفسک و زاپوریژژیا گه اویوشتیرگن هجوملریده نیچه باله شامل کمیده ۱۱ کیشینینگ اولگنیدن خبر بیرگن.
گرچند روسیه و اوکراین دایم تینچاهالینینگ نشانگه آلینیشینی رد قیلگن، بیراق گزارشلر گه قرهگنده سونگی آیلرده ایکی تامان اورتهسیدهگی اوزارا هجوملر نتیجهسیده، تینچاهالی قربانلری سانی کوپهیگن.
روسیه و اوکراین اوروشی ۲۰۲۲-ییل فبروری آییده روسیهنینگ کینگ کولملی هجوملری بیلن باشلهنیب و حاضر بو اوروشدن بیش ییل بولماقده. آتیش کیسین برقرار بولیشی اوچون دیپلماتیک سعیوحرکتلر و تورلی مملکتلر واسطهچیلیگی بولگنی بیرحالده، حاضرگچه مذکور اوروشنینگ یکونلنیشی اوچون هیچ قندهی برقرار کیلیشوو قولگه کیلمهگن.
