روسیه رسمیلرینینگ اعلام قیلیشیچه، بو مملکت تورلی بولیملریگه اوکراین آرقهلی اویوشتیریلگن کینگ کولملی پهپادی هجوملر عاقبتیده، کمیده توقیز کیشی اولگن.
خلقارا ییتکرمهلرنینگ بوگون (۱۲-اسد/۳-اگست، دوشنبه)، روسیه رسمیلریدن نقل قیلیب گزارش بیریشیچه، اوشبو مملکت هوا مدافعه تیزیملری اوکرایننینگ ۶۳۵ پهپادینی یوق قیلگن.
گزارش اساسیده، اوکراین هجوملری اودمورتیا جمهورلیگی، ساراتوف شهری، انگلس شهری، بلگورود چیگره حدودی و سامارا ولایتینی نشانگه آلگن.
ساراتوف شهریده نفتنی قیته ایشلش ییریک بیر کارخانهنینگ فعالیتی بولیب و شونینگدیک انگلس شهری هم، روسیهنینگ ستراتژیک بمباردمانچیلر بوییچه هوا پایگاهسی جایلشگن جای حسابلنهدی. بو ایکی شهر ایسه سونگی ییللرده اوکراین هجوملری بیلن نیچه مرته نشان گه آلینگن.
بو بیلن بیرگه اوکراین اردوسی، ساراتوف نفت ایشلب چیقریش کارخانهسی همده انگلس هوا پایگاهسینینگ نشان گه آلگنی و ایکی جایده یانغین یوز بیرگنینی معلوم قیلگن. شونینگدیک اوکراین کوچلری روسیه غربیده جایلشگن کالوگا ولایتیدهگی نفت انبارینی هم نشانگه آلگن.
اوکراین روسیه توپراغیگه هجوملرنی کوچهیتیریش بیلن، بو مملکت اقتصادی و انرژی آستقورمهلری همده اوروش دوامی اوچون مسکو امکانیتلرینی ضعیفلشتیریشگه سعیوحرکت قیلماقده.
