اوکراین جمهور باشلیغی ولودیمیر زلنسکی، بو مملکت حربی کوچلری روسیهنینگ لوژستیکی مرکزلریگه هجوم قیلگنینی بیلدیردی.
زلنسکی، بوگون (۳۱ سرطان/۲۲ جولای، چهارشنبه) ایکس اجتماعی ترماغیده یازیشیچه، دران قطعهلرینی ییتکزیب بیروچی لوژستیک مرکزلری، کیمه اوسکونهلری همده روسیهده بیر نفت امباری نشانگه آلینگن.
شونینگدیک او، قاره دینگیز و آزوف دینگیزی سوولریده، روسیهنینگ «سایه کیمهلری»گه تیگیشلی بیر نفت تانکری همده تورتته یوک کیمهسی هم نشانگه آلینگنینی قوشیمچه قیلگن.
اوکراین جمهور باشلیغی، ینه بیر بار صلح کیلیشووی گه تأکیدلب کییف برچه تکلیفلرنی روسیه گه یوبارگنینی ایتگن. اونینگ ایتیشیچه، ایندی روسیه دیپلماتیک مذاکره گه تیار بولیشی کیرهک.
روسیه و اوکراین اورتهسیده اوروش، میلادی ۲۰۲۲ –ییل، فبروری آییده باشلندی و ایندی بیشینچی ییل گه کیرگن. اوروش تامانلری اورتهسیده صلح کیلیشووی اوچون برچه خلقارا سعی-حرکتلر حاضرگچه مثبت نتیجه بیرمهگن.
