اوزبیکستان افغانستان حدودیده آمو دریا قیرغاقلرینی مستحکملش لایحه‌سینی عملگه آشیریش اوچون ۱۰ میلیون دالر اجره‌تگن.
بلخ ولایتی حاکمیتی‌نینگ مطبوعات اداره‌سی گه کوره، بو مسئله اوتگن کونی افغانستان اسلام امیرلیگی ایکینچیلیک وزیری عطاءالله عمری همده اوزبیکستان‌نینگ افغانستان بوییچه مخصوص وکیلی عصمت‌الله ایرگشوف اورته‌سیده، بلخ ولایتیده بولیب اوتگن اوچره‌شووده محاکمه قیلینگن.
ایکینچیلیک وزیری اوشبو اوچره‌شووده، اوزبیکستان آرقه‌لی افغانستان صادراتینی عملگه آشیریش جریانینی یینگیللشتیریش، باجخانه تیزیملرینی اوزارا باغلش، سودا حجت‌لری بیلن باغلیق معمالرنی حل ایتیش، شونینگدیک، ایکی مملکت سوداگرلری و یولاوچیلری اوچون قولی‌لیکلر یره‌تیشنی سوره‌گن.
اوزبیکستان‌نینگ افغانستان اوچون مخصوص وکیلی ایسه، ینگی و قوریتیلگن میوه‌لر، کومیر، گوشت، پخته همده دارو محصولات‌لری سوداسی ساحه‌سیده همکارلیک قیلیشگه تیار ایکنینی بیلدیرگن.
آمو دریا قیرغاقلرینی مستحکملش لایحه‌سی دریا قیرغاقلری‌نینگ ییمریلیشی عاقبتیده افغانستان ییرلری‌نینگ ویران بولیشی و یوقاتیلیشی‌نینگ آلدینی آلیش مقصدیده عملگه آشیریله‌دی.
