افغانستان اقلیتلری نینگ انسجام کینگشی، حکومت رسمیلری نینگ تبعیضلی برخوردلریدن خواطر بیلدیریب ایتیشلریچه، شهروندلیک حقوقلریدن محروم قالگنلر و مملکت بوییچه اولر جملهسیدن حتا بیر ولسوال هم تعیینلنمهگن. اولرنینگ ایتیشلریچه، حکومت ادارهلریده و تینچلیک جریانیده قومی اقلیتلرنینگ سهمی نظرگه توتیلمهگن.
بوگون “یکشنبه” افغانستان اقلیتلری نینگ انسجام کینگشی اعضالرینی کابلده خبری بیر ییغین اوتکزیب ایتیشلریچه، مملکتده قومی اقلیتلر کوپینچه قربانلیک بیرگن، لیکن شهروندلیک حقلریدن محروم قالگنلر.
اقلیتلر انسجام کینگشی اورین باسری اشرف آرین نینگ ایتیشیچه، حکومتده اقلیتلر سهمی هیچ دیر و حتا بیر ولسوال هم اولردن تعیینلنمهگن و تینچلیک جریانیده اولرنینگ حقلری نظرگه آلینمهگن.
مذکور ییغینده اوشبو کینگش رهبرلیک عضوی ظاهر فرمولی، حکومتدن سیاسی جریانلرده مملکت اقلیتلریگه حق بیریشینی سورهگن.
ینگیلیکده ملی احصاییه و معلومات ادارهسی بیر فهرست نشر قیلیب برقی کیملیک قولگه کیریتیش اوچون پشتون بولمهگن قوملرنی نیچه بولیمگه اجرهتگن. ملی احصاییه ادارهسی نینگ اوشبو حرکتی جدی واکنشلر بیلن دوچ کیلگن حالده، اقلیتلر انسجام کینگشی حکومت نینگ اوشبو حرکتینی خوش قرشیلب و برقی کیملیکلرده قوملرنینگ هویتی کیریتیلیشی اوچون حکومتدن منتدارلیک بیلدیرگنلر.