بوگون (شنبه ۲۷- جدی) نماینده‌لر کینگشی عمومی ییغینده ۱۴۰۰- مالی ییل بودجه‌سی نینگ ایکینچی لایحه‌سینی رد قیلدی. مذکور بودجه لایحه‌سی مالیه وزیرلیگی تامانیدن نماینده‌لر کینگشی گه یوباریلگن ایدی کیم کوپینچه آواز بیلن رد قیلیندی.
مذکور ییغینده کینگش باشلیغی میررحمان رحمانی نینگ ایتیشیچه، حکومت بیرینچی لایحه‌ده‌گی ۱۷ ناتوغری موردلرگه اصلاحات کیلتیرمه‌یش گه علاوه، ایکینچی لایحه گه ایکی ینگی ناتوغری مورد نی هم کوپه‌یتیرگن. نماینده‌لر کینگش باشلیغی گه کوره، بودجه نینگ ایکینچی لایحه‌سیده دولت ایشلاوچی‌لری نینگ حقوق‌لری تینگ بولیش موضوعی کیم بو کینگش آرقه‌لی تصویب بولگن ایدی کیریتیلمه‌گن.
نماینده‌لر کینگشی بودجه نینگ ایکینچی لایحه‌سینی آواز بیریش گه قویدی کیم ۱۲۰ قیزیل آواز و ۱۵ یشیل آواز بیلن رد بولدی.
بودجه نینگ ایکینچی لایحه‌سیده بیرینچی لایحه گه نسبتن ۲۰ میلیارد و ۴۰۰ میلیون افغانی کوپه‌یتیریلگن کیم بو بودجه ۴۷۳ میلیارد و ۴۰ میلیون افغانی دیر.
مالیه وزیرلیگی جاری ییل ۱۷- قوس ده ۱۴۰۰- مالی ییل بودجه‌سی نینگ بیرینچی لایحه‌سینی نماینده‌لر کینگشی گه یوبارگن ایدی کیم بو بودجه ۱۰- جدی گه نماینده‌لر کینگشی آرقه‌لی رد بولدی. مذکور بودجه نینگ ایکینچی لایحه‌سی اوتگن هفته سه‌شنبه کونی نماینده‌لر کینگشی گه یوباریلدی کیم او بوگون رد بولدی.
نماینده‌لر کینگشی دولت ایشلاوچی‌لری نینگ حقوقی تینگ بولیشی نی قیزیل چیزیق‌لری دیگن کیم بو ریجه مذکور کینگش آرقه‌لی تصدیق و تصویب بولگن ایدی. نماینده‌لر کینگشی نیچه مرته دولت ایشلاوچی‌لری نینگ حقوقی تینگ بولمه‌گن صورتده، بودجه نینگ تصویب بولمه‌یشی ممکن دیگنلر.
