نماینده‌لر کینگشی باشلیغی نینگ ایتیشیچه، دولت ایشلاوچی‌لری حقوق‌لری نینگ برابر قیلیش ملت اویی نینگ «قیزیل چیزیغی» دیر.

بوگون “چهارشنبه” نماینده‌لر کینگشی نینگ عمومی ییغینیده اوشبو کینگش باشلیغی میررحمان رحمانی نینگ تاکید قیلیشیچه، حکومت ایشلاوچی‌لری نینگ حقوقلری برابر بولیشی خصوصیده بولگن ایستک‌لریگه دقت بولمه‌گن صورتده، ۱۴۰۰- ییل بودجه‌سی نماینده‌لر کینگشی تامانیدن تصدیق‌لنمه‌یدی.

جناب رحمانی گه کوره، دولت ایشلاوچی‌لری نینگ حقوقلرینی برابر قیلیش ریجه‌سی ۹۱- ۲۱- و ۲۵- کود دن اجرا قیلینیشی ممکن.

نماینده‌لر کینگشی بوندن آلدین دولت ایشلاوچی‌لری حقوقلری نینگ برابر قیلیش ریجه‌سینی تصویب قیلیب و اونینگ ۱۴۰۰- مالی ییل بودجه سندیده جایلشتیریلیشی نی ایسته‌گن ایدی.

باشقه تاماندن نماینده‌لر کینگشی باشلیغی نینگ ایتیشیچه، بودجه سندی بوندن آلدین ۱۷ بیللی دلیل سبب، رد ایتیلگن ایدی، بیراق قیته‌دن مالیه وزیرلیگی تامانیدن نماینده‌لر کینگشی گه یوباریلگن.

جناب رحمانی نینگ کوپه‌یتیریشیچه، بودجه بیرینچی پیش‌نویسی اصلاحات کیلتیریش اوچون رد قیلینگن ایدی، چونکه بیرینچی ریجه‌ده برابرلیک و عدالت نظرگه توتیلگن ایمس ایدی.

نماینده‌لر کینگشی باشلیغی نینگ ایتیشیچه، بودجه ریجه‌سی نینگ رد ایتیلیشی اوچون هیچ‌قنده‌ی شخصی برخورد، گروگه آلیش و شخصی پروژه جایلشتیریش دخیل ایمس.

جناب رحمانی، نماینده‌لر کینگشی نینگ مالی و بودجه کمیسیونی دن بودجه ایکینچی پیش‌نویسی نی جدی شکلده تیکشیریب و نماینده‌لر کینگشی تامانیدن تصدیق‌لنمه‌گن واحدلرگه بودجه بیرمه‌یشینی سوره‌گن.

اونینگ تاکید قیلیشیچه، بودجه نی رد قیلیش، ملی دسترخوان گه ایجابی آواز بیرمه‌یش و بیرقطار نامزد وزیرلرگه رد آواز بیریش نماینده‌لر کینگشی صلاحیتیدن دیر و بو صلاحیت نی اساسی قانون بیرگن.

۱۴۰۰- مالی ییل بودجه‌سی نینگ نماینده‌لر کینگشی تامانیدن رد ایتیلیشی جمهور رییس نینگ جدی واکنشی بیلن روپه‌ره بولگن.

مملکت جمهور رییسی محمداشرف غنی نینگ تاکید قیلیشیچه، نماینده‌لر کینگشی اعضالری نینگ صلاحیتی بودجه نی رد یا-ده تصدیق‌لش دیر.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام