پاکستان ده ترورچی هجوم‌لر و افغانستان و پاکستان آره‌سیده‌گی چیگره جنجل‌لری کوپه‌یگنی بیلن، اوشبو ممکت نینگ یوقاری مرتبه‌لی هیئتی کابل گه قیلگن سفری‌ده، اسلام امیرلیگی رسمی‌لری بیلن اوچره‌شیب و صحبت قیلگن.
پاکستان تشقی ایشلر وزیرلیگی بیر اعلامیه ترقه‌تیب ایتیشیچه، اوشبو مملکت هیئتی اسلام امیرلیگی رسمی‌لری بیلن اوچره‌شگنی‌ده، منطقه‌ده ترورچیلیک و پاکستان طالب‌لر تحریکی بیلن قوشمه قرشی کوره‌ش خصوصیده کیلیشگنلر؛ بیراق اسلام امیرلیگی سوزلاوچیسی بیر بیانیه آرقه‌لی ایتگن که، اوشبو اوچره‌شووده چیگره و قوشمه امنیتی قیینچیلیکلر حل ایتیلیشی اوستیگه صحبت قیلگنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلام امیرلیگی سوزلاوچی اورین‌باسرلریدن بلال‌کریمی نینگ سلام‌وطندار گه ایتیشیچه: «اوتگن کون بیرینچی‌ده ارگ‌ده الوزرا ریاستی نینگ اقتصادی اورین‌باسری و اسلام امیرلیگی نینگ یوقاری مرتبه‌لی مسئوللری پاکستان‌لیک هیئت بیلن مختصر بیر ییغین اوتکزدیلر؛ کیین ایسه اسلام امیرلیگی نینگ یوقاری مرتبه‌لی مسئوللری پاکستان هیئتی بیلن ایش خصوصیده بیر ییغین اوتکزدیلر که، اوشبو ییغین‌ده تورلی خیل موضوع‌لر خصوصیده صحبت قیلیندی، مذکور موضوع‌لر جمله‌دن اوچووچی‌سیز اوچاق‌لر نینگ مملکتی‌میزده اوتیب-قیتیشی، ایکی تامان آره‌سیده اورته گه کیله‌دیگن قیینچیلیکلر، پاکستان ده‌گی افغان مهاجرلر وضعیتی و ایکی تامان خوفسیزلیک خواطرلر نی شریک قیلگنلر.»
باشقه بیر تاماندن، بیلیم یورت اوقیتووچیسی محمد‌اکرم عارفی نینگ ایتیشیچه، پاکستان‌لیک هیئت پاکستان ده‌گی خوفسیزلیک خواطرلری خصوصیده صحبت قیلیش اوچون افغانستان گه سفر قیلگن.
اونینگ کوپه‌یتیریشیچه: «سفر‌دن مقصد امنیتی مسئله‌لر و بیراز چیگره و سوداگرلیک مسئله‌لر دیر، بیراق امنیتی مسئله‌لر باش‌ده بولگن موضوع‌لردن دیر. تی‌تی‌پی اوز هجوم‌لری نی کوپه‌یتیریش خصوصدیه قرار آلگنی‌دن کیین، تصور بولمه‌گن بعضی اوزگریش‌لر صورت تاپیب و پاکستان نینگ خواطرلری گه سبب بولدی. پاکستان اسلام امیرلیگی همکارلیگی بولمسدن پاکستان طالب‌لر تحریکی بیلن قرشی کوره آلمه‌یشی خصوصیده تورت ییل‌لیک تجربه‌سی بار.»
عین حالده، خلق‌ارا رابطه‌لر اوقیتووچیسی محبوب محق نینگ ایتیشیچه، پاکستان‌لیک هیئت اسلام امیرلیگی تامانیدن پاکستان نینگ ایسته‌کلری برآورده بولمه‌گنی سبب، کابل گه سفر قیلگن.
بیزلرنینگ توییترده هم تعقیب قیلینگ!
جناب محق نینگ کوپه‌یتیریشچه: «اسلام امیرلیگی نینگ قدرت گه ایریشگنی‌ده اولر نینگ ایسته‌کلری قبول بولینیشی خصوصیده ایشانچ‌لری بار ایکن؛ بیراق اسلام امیرلیگی نینگ قدرت گه ایریشگنیدن بیلن، ایشلر عکسی حالده بولگن و پاکستان ننیگ بعضی ایسته‌کلری نی قبول قیلمه‌ی و اوزی منطقه ممکت‌لری بیلن تعامل قیلدی. پاکستان بو تاماندن خواطر بیلدیره‌دی و باشقه بیر تاماندن پاکستان طالب‌لری هجوم‌لری کوپه‌یگنی بیلن پاکستان ایشانچی گه کوره، اسلام امیرلیگی آرقه‌لی پاکستان طالب‌لری تحریکی گه باسیم یا-ده مدیریت قیلسه.»
عین حالده، سونگی آی‌لرده افغانستان تامان پاکستان خوفسیزلیک خواطرلری کوپه‌یگن و پاکستان‌لیک رسمی‌لری تامانیدن نیچه مرته افغانستان توپراغیدن امنیتی تهدید‌لر بولگنی ادعا بولگن دیر.
