اسلام امیرلیگی سوزلاوچیسی ذبیح‌الله مجاهد اوز توییتری ده یازیشیچه، کابل شهری ده اسلام امیرلیگی کوچلری داعش گروهی نینگ قرارگاهی اوستیگه هجوم قیلگنلر.
اونگه کوره، اوشبو عملیات چهارشنبه کونی، ۱۴ جدی، کابل شهری نینگ سکیزینچی حوزه حدودلری قلعه‌چه و شهدای صالحین منطقه‌لریده یولگه قوییلگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی نینگ کوپه‌یتیریشیچه، مذکور عملیات ده داعش گروهی نینگ ۷ عضوی هلاک بولگن و باشقه ۷ عضوی قولگه آلینگن.
شونینگدیک، ذبیح‌الله مجاهد چهارشنبه کونی نیمروز ولایتیده داعش گروهی نینگ ایکی عضوی قولگه آلینگنینی اورغوله‌گن.
ایتیش کیره‌ک که، کابل ده‌گی منبع‌لر چهارشنبه کونی کیچ قورون، کابل شهری سکیزینچی حوزه حدودلری ده نیچه پارتلش و اوق آتیش آوازی ایشیتیلگنیدن خبر بیرگنلر.
بیزلرنینگ توییترده هم تعقیب قیلینگ!
منبع‌لردن بیر قطاری گه کوره، اسلام امیرلیگی مخصوص کوچلری کابل شهری سکیزینچی حوزه حدودلریده داعش گروهی نینگ قرارگاهی اوستیگه هجوم قیلگنلر.
داعش گروهی بوتوغریده حاضرگچه هیچ نرسه دیمه‌گن.
