وصال کوثر جمغرمه‌سی، بوگون (یکشنبه، ۶-حوت)، کابل ده توپلم توی مراسمی نینگ یولگه قوییلگن ۱۴-دوری‌ده، ۲۸ ییگیت نینگ توپلم توی مراسمی نی اوتکزگن.
مذکور جمغرمه عمومی مسئولی عبدالباسط رسولی نینگ سلام‌وطندار گه ایتیشیچه، اوشبو مراسم‌ده ییتّی ولایت‌دن اوی‌لنیش گه اقتصادی کوچلری ییتیشمه‌گن ییگیت‌لر قتنشگن.
بیزلرنینگ فیسبوک صحیفه‌میزگه باش اورینگ!
جناب رسولی نینگ کوپه‌یتیریشیچه: «۱۴-دور‌ده ۲۸ ییگیت شرکت قیلگن که اوشبو توی مراسمی خره‌جتی بیر قطار کیشی آرقه‌لی توپلنگن. بو توی نینگ توپلم خره‌جتی قریب بیر یریم میلیون افغانی بولگن. توی قیلیش گه کوچی ییتیشمه‌گن کیشی‌لر اوچون بو برنامه‌لر یولگه قوییله‌دی. ۲۰-۳۶ قلم نرسه اولر اوچون نظر گه آلینه‌دی و قریب ۵۰ مینگ افغانی هر بیر کیشی گه صرف‌لنه‌دی.»
شونده‌ی بیرحالده، اقتصادی قیین‌چیلیک‌لر سبب نیچه ییل‌دن بیری نامزاد قالگن ییگیت‌لردن قطاری، بو کبی برنامه‌لر نینگ یولگه قوییلیشی‌دن خورسند‌لیک قیلیب ایتیشلریچه، اینگ بویوک قیین‌چیلیکلری حل بولگن دیر.
اوشبو توپلم توی مراسمی‌ده‌گی کییاو‌لردن بیری رحمت‌الله غفاری نینگ ایتیشیچه، اقتصادی قیین‌چیلیک و ایش‌سیزلیک سبب، توی مراسمی نینگ خره‌جتی نی تأمین قیله آلمه‌گن. غفاری نینگ کوپه‌یتیریشیچه: «جوده‌یم خورسند‌مین که پیامبر سنتی و قوم و اقارب رضایتی بیلن توی مراسمیم نی اوتکزه‌من. بو فرهنگ نینگ رواجلنیشی کیرهک که بو رقم ییگیت‌لر توی قیلیش خره‌جتی نی تامین‌لش اوچون مملکت‌‌دن تشقی گه کیتمه‌سینلر. شو رقم ییگیت‌لر توی مراسمی خره‌جتی نی تامین‌لش اوچون تاش کومیرلرده ایشله‌یدیلر. برچه کیشی‌دن آز خره‌جت و توی مراسمی نینگ آزراق بولیشی نی ایسته‌یمن.»
شونینگدیک مذکور مراسم‌ده‌گی کییاو‌لردن باشقه بیری رضا بهزاد، توی مراسمی نینگ اوتکزیلیشی اوچون بامیان دن کابل کیلگن. اونینگ ایتیشیچه، ییگیت‌لردن کوپ قطاری توی مراسمی خره‌جتی کوپلیگی سبب، توی قیلگنلریدن نیچه ییل اوتگونگه قدر، قرض‌دار بولیب قاله‌دیلر.
بیزلرنینگ «ایکس» ترماغی ده هم تعقیب قیلینگ!
عین حالده، اوشبو توپلم توی مراسمی گه شرکت قیلگنلردن قطاری نینگ ایتیشلریچه، بو کمی برنامه‌لر نینگ یولگه قوییلیشی ییگیت‌لر نینگ تقدیر‌سیزلیک و قیین‌چیلیک‌دن چیقره‌دی.
شونده‌ی بیرحالده، اوشبو برنامه گه شرکت قیلگنلردن بیری جواد نینگ سلام‌وطندار گه ایتیشیچه: «بو کبی برنامه‌لردن برچه کیشی نینگ خوش قرشی‌له‌یشی کیرهک. چونکه آز صرف-خره‌جت کوتاره‌دی؛ کوپینچه خره‌جت ییگیت‌لر نی زیریکتیره‌‌دی و بیر تامان‌دن حاضر ایسه اونچه‌لیک ایش یوق.»
ایتیش کیرهک که، افغانستان ده قشاق‌لیک میزانی کوپ بولگنی بیرحالده، بیراق توی مراسم‌لری کوپینچه صرف-خره‌جت بیلن اوتکزیله‌دی که، ییگیت‌لردن قطاری کوپینچه خره‌جت نی تامین قیله آلمه‌یدیلر، انه شوو سبب سونگی ییل‌لر مملکت‌ده توپلم شکلده توی قیلیش مراسم‌لری یولگه قوییلیشی رواجلنگن دیر.
