بلخ ده حسنیه دارالعلومی تامانیدن، ۱۲۵ ییگیت نینگ توپلم توی مراسمی اوتکزیلگن. مذکور مراسم تشکیلاتچیلری نینگ سلام‌وطندار گه ایتیشلریچه، اوشبو مراسم ده بیش میلیون افغانی مصرف بولیب و حسنیه دارالعلومی تامانیدن توللـه‌نیلگن.
اولر گه کوره، جمعیت ده‌گی ناقولی رسموعنعنهلر گه چیک قوییش و کوپ مصرف‌لرنی آلدینی آلیش اوچون اوشبو توپلم توی حسنیه دارالعلومی تامانیدن یولگه قوییلگن.
حسنیه دارالعلومی فرهنگی اورین باسری راضیه حسینی گه کوره: «بوگون حسنیه دارالعلومی تامانیدن اونینچی مرته ییگیت‌لر نینگ توپلم توی مراسمی بولیب اوتدی و اوشبو دور ده ۲۵۰ کیلین و کیاو افغانستان نینگ تورلی بورچک‌لریدن تنله‌نیب و توی مراسم‌لرینی اوتکزدیلر. بیز جمعیت ده ناقولی رسموعنعنهلر گه چیک قوییش مقصدیده سعی‌وحرکت قیلماقده‌میز.»
بیزلرنینگ فیسبوک صحیفه‌میزگه باش اورینگ!
اقتصادی قیینچیلیک، جمعیت ده‌گی رسموعنعنهلر باعث انچه ییل دن بیری توی قیله آلمه‌گن ییگیت‌لر، تورموش قوریب و قوششه حیات باشله‌گنلریدن خورسندلیک قیله‌دیلر.
اوشبو مراسم ده اشتراک ایتگن کیاولردن بیری سیدهادی نینگ ایتیشیچه: «کمبغل عایله دن من و بوگون تورموش قورگنیمدن خورسند من. ایکی یاش بیر جای گه بولیشی قوانچلی دیر. بو کبی مراسم‌لر حمایت بولیشی کیره‌ک.»
مذکور مراسم ده اشتراک ایتگن کیلین‌لردن مرضیه افضلی گه کوره: «آز مصرف بیلن تورموش قوریش اینگ یخشی دیر. توپلم توی مراسم‌لری کوپ مصرف و ناقولی رسموعنعنهلر گه چیک قوییش گه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
عین‌حالده، دین عالم‌لریدن بیرقطاری کمبغل ییگیت‌لرنی قوللب_قوتلش و توپلم توی مراسمینی اولکه بویلب رواجلنتیریش مقصدیده بو کبی مراسم‌لر اوتکزیلیشینی ایجابی دیه بهاله‌یدیلر.
دین عالمی احمدافضلی نینگ ایتیشیچه: «اسلام دینی، توی مراسم‌لریده کوپ مصرف قیلمه‌ی و نکاح‌لرده قولی‌لیک یره‌تیلیشی اوستیده تأکید ایته‌دی.»
ایتیش کیره‌ک که، مملکت ده ناقولی رسموعنعنهلر باعث بیر قطار ییگیت‌لر توی خرجت‌لرینی تأمینلش اوچون مینگلب قیینچیلیک نی قبول قیلیب و چیت ایل اولکه‌لر گه باریب ایشلش گه مجبور بولگنلر.
