اوتگن کون (جمعه، ۱۶-سرطان)، کابل ده «شهدا» خیریه جمغرمه‌سی تامانیدن بیشینچی دور، ۱۰۱ ییگیت نینگ توپلم توی مراسمی اوتکزیلگن.
اوشبو احتفال نی یولگه قوییگنلر نینگ ایتیشلریچه، بو کبی برنامه نینگ یولگه قوییلگنی‌دن مقصد، توی مراسمی‌ده‌گی یوقاری صرف-خره‌جت نینگ کمه‌یشی و یشاوچیلر آرهسیده توپلم شکلده توی مراسم‌لری نینگ رواجلنیشی عنوان قیلگنلر.
شهدا خیریه جمغرمه‌سی نینگ اجرایی رئیسی غلام صفری نینگ ایتیشیچه، اوشبو احتفال تورت میلیون‌دن کوپراق خره‌جت کوتارگن. اونگه کوره، مذکور جمغرمه اوتگن بیر یریم ییل‌ده اوچ مرته توپلم توی مراسمی نی یولگه قوییگن که، «خره‌جت مملکت ایچیده و تشقری‌سیده‌گی سرمایه یاتقیزووچیلردن قطاری آرقه‌لی توللنیب و اوشبو مراسم گه تورلی‌خیل قوم‌‌لر رویخط گه آلینگن.»
بیزلرنینگ فیسبوک صحیفه‌میزگه باش اورینگ!
اوشبو احتفال‌ده‌گی کویاو‌لردن محمد‌ذکی نینگ ایتیشیچه، اقتصادی قیین‌چیلیک سبب، توی خره‌جتی نی تامین قیله آلمه‌گن. او مذکور برنامه گه شامل بولگنی‌دن خورسند‌لیک بیلدیریب کوپه‌یتیریشیچه: «مین و تورموش اورتاغیم ایکی ییل‌دن بیری نامزاد ایدیک. ایکی‌میز هم اوقیتووچی‌میز. اوقیتووچیلیک نینگ آز آیلیگی بیلن بو کبی شرایط‌ده توی قیلیش امکان‌سیز دیر و انه شوو سبب، تویی‌میز نی توپلم شکلده یولگه قوییلیشی گه قرار آلدیک؛ چونکه اقتصادی وضعیت یخشی ایمس.»
ابه‌سی نینگ اوغلی بیلن توی قیلگن رابعه نینگ ایتیشیچه، عایله‌لر توی مراسم‌لری نینگ یوقاری خره‌جت بیلن یولگه قویمه‌یشلری کیره‌ک. اونینگ کوپه‌یتیریشیچه: «جمعیت‌ده ناتوغری عادت‌لر نینگ اورته‌دن کیتیشی کیره‌ک. کوپینچه خره‌جت بیلن توی قیلیش ایکی تامان نینگ حیاتی نی خراب قیله‌دی. ایکی تامان هم کیله‌جکلری گه توشینیب، کوپینچه صرف-خره‌جت‌لی توی‌لر نی یولگه قوییلیشی نینگ آلدی نی آلیشلری کیره‌ک.»
مذکور توی مراسمی گه شرکت قیلگنلردن قطاری نینگ ایتیشلریچه، توی مراسمی نینگ یولگه قوییش خصوصیده عایله‌لر آره‌سیده‌گی رقابت‌لر و یوقاری صرف-خره‌جت، توی مراسم‌لری نینگ خره‌جتی نی توللش اوچون ییگیت‌لردن قطاری نینگ مهاجرت قیلیشی گه سبب بولگن.
اوشبو احتفال گه شرکت قیلگنلردن فهیم نینگ ایتیشیچه: «توپلم شکلده توی مراسمی نینگ یولگه قوییلیشی ایکی تامان اوچون یخشی؛ چونکه حاضرگی شرایط‌ده ییگیت‌لردن قطاری ایش‌سیز یا-ده آز درآمدی بار. ییگیت‌لردن قطاری توی صرف-خره‌جتی نینگ یوقاریلیگی سبب، توی قیله آلمه‌یدیلر.»
بیزلرنینگ توییترده هم تعقیب قیلینگ!
شونینگدیک دین عالم‌لردن حبیب‌الله مدقق، عایله‌لر آرقه‌لی توی مراسم‌لری نینگ یولگه قوییلیشی خصوصیده قیین توتمه‌یشلری گه تاکید قیلگنلر. اونینگ ایتیشیچه: «اسلام توی قیلیش خصوصیده آسان‌لیککه امر قیلگن. اسرف گه قرشی کوره‌شی‌میز کیره‌ک که، یوقاری خره‌جت بیلن بوله‌دیگن توی‌لردن قطاری، دین بویروغ‌لری گه قرشی دیر.»
اوتگن ایکی ییل جریانیده، قشاق، توی مراسمی خره‌جتی نینگ یوقاریلیگی و عایله‌لر آرهسیده قلین آلیش سبب، مملکت نینگ تورلی ولایت‌لریده توپلم توی مراسم‌لری نینگ یولگه قویلیشی کوپه‌یگن.
