اسلامی امارت سوزلاوچیسی نینگ اورین باسری احمدالله وثیق، کابل شهری نینگ غربیده آچلیک سبب، بیر عایله نینگ ۸ بالهسی هلاک ایتیلگنینی رد قیلگن و بو توغریده بولگن مشمشلرینی نظام گه قرشی توطیه عنوان قیلگن.
بیزلرنینگ فیسبوک صحیفهمیزگه باش اورینگ!
بوگون “شنبه” جناب وثیق نینگ توییتر صحیفهسیده یازیشیچه، دشت برچی نینگ «اتفاق شهرچهسی» نی بوتون کوچهلری و مسجدلری تیکشیریلگن، لیکن مذکور بالهلرنینگ آچلیکدن هلاک ایتیلگنی خصوصیده هیچقندهی معلومات قولگه کیلتیرمهگنلر. « ۸ باله نینگ هلاک ایتیلگنی خصوصیده بولگن خبرلر ناتوغری دیر و بو توغریده نشر ایتیلگن ادعالر نظام گه قرشی توطیه دیر.»
ایتیلیشیچه، ۲ عقرب ده باشکنت غربیدن بیر منبع، کابل غربیده جایلشگن «اتفاق شهرچهسی» ده بیر عایله نینگ ۸ بالهسی آچلیک سبب، هلاک ایتیلگنینی بیلدیرگن ایدی.
منبع نینگ کوپهیتیریشیچه، مذکور بالهلر نینگ آتهسی نیچه پیت آلدین سرطان کسللیگیگه چلینگنی باعث دنیا دن اوتگن ایکن و آنهسی ایسه تورموش اورتاغی(ایری) اولگنیدن سونگ، اقتصادی قیینچیلیکلر سبب، قلبی توختهب و دنیا دن اوتگن.
منبع گه کوره، مذکور بالهلردن ۴ تهسی قیز و باشقه ۴ تهسی ایسه ایرکک ایکن و خرابه بیر اویده حیات کیچیرهریکنلر و ۲۲ کون آلدین ییگولیک ماده گه قول تاپه آلمسلیکلری باعث، دنیا دن اوتگن لر.
افغانستان اسلامی وحدت حزبی رهبری محمد محقق، نیچه پیت آلدین بیر اعلامیه ترقهتیب مذکور بالهلر نینگ آچلیک باعث، هلاک ایتیلگنینی تصدیقلب، بو واقعه «حاکمیتلرینی اسلامی دیگن کیشیلر نینگ منطقهسیده» یوز بیرگن دیگن ایدی.
بیزلرنینگ فیسبوک صحیفهمیزگه باش اورینگ!
مذکور بالهلرنینگ آچلیکدن هلاک ایتیلگنی خصوصیده نشر ایتیلگن خبرلر اجتماعی ترماقلر ایشلاوچی لری نینگ جدی واکنش لری بیلن روپهره بولگن.