اوتگن کون ساعت ۴ یریم اطرافیده کابل شهری نینگ ۱۳- ناحیهسیگه تیگیشلی دشت برچی منطقهسیده، کیینمهکیین یوزبیرگن اوچ پارتلش ده ۵۰ دن آرتیق کیشی هلاک و ۱۰۰ دن آرتیق کیشی ایسه یرهلندی.
مذکور پارتلشلر سیدالشهدا مکتبی نینگ اوقووچیلری مکتب دن چیقهدیگن بیرچاغده یوز بیردی که قربانیلردن کوپینچهسی مذکور مکتب نینگ اوقووچیلری دیر.
قربانیلر عایلهلری بوگون هلاک بولگنلرنینگ توپراققه قوییش مراسمده حکومت نی اهالی نینگ خوفسیزلیگی نی تأمینلش گه کوچسیزلیککه عیبلب و حادثه عامللری تانیلیب و قولگه آلینیشی نی سورهشگنلر.
- عاطفه یا-ده عاقله؟ جسد صاحبی کیم دیر؟
- کابل غربیده یوزبیرگن هجوم ده ۲۵ کیشی هلاک و ۵۲ کیشی یرهلنگن
- کابل غربی ده یوزبیرگن هجوم ده ۵۰ دن آرتیق کیشی جان بیرگن
باشقه بیر تاماندن قربانیلر عایلهلری نینگ آگاهلنتیریشلریچه، حکومت بو توغریده تیزلیککه اقدام قیلمهگن صورتده، اولر اوز موقفلرینی اعلام قیلیشلری ممکن.
مذکور حادثه کینگ عکسالعمللرگه روپهرو بولگن. ننگرهار و بامیان اوقووچیلریدن قطاری بوگون خبری بیر ییغین و ناراضلیک نمایش یولگه قوییش بیلن بو هجوم نی قارهلب و اوروش تامانلریدن تعلیمی نهادلر و اوقووچیلرنینگ هدف قرار بیرمهسلیکلرینی سورهشگن.
سلاموطندار اوزبیکی نی فیسبوککه هم تعقیب قیلینگ!
شوندهی بیرحالده، مملکت جمهور رئیسی محمداشرف غنی، ملی مصالحه کینگشی باشلیغی عبدالله عبدالله، جمهورلیک ریاستی ایکینچی اورین باسری سرور دانش، مملکت سابق جمهور رئیسی حامد کرزی و مملکت باشقه بیرقطار سیاسی سیمالری بو واقعهنی قارهلگنلر.
شونینگدیک، بیرلشگن ملتلر تشکیلاتی، ناتو، اروپا بیرلشمهسی، آمریکا تشقی ایشلر وزیرلیگی، بریتانیا نینگ کابلدهگی ایلچیلیگی، یونیسف و باشقه بیرقطار چیتایللیک نهادلر هم اوشبو هجومنی جدی شکلده قارهلگن.