اوتگن “شنبه” کونی کابل غربیده یوز بیرگن پارتلشده قربان بولگن‌لردن ۴۰ ته‌سی نینگ جسدی امیدسبز شهرچه‌سی نینگ دانایی تپه‌‌سیگه انتقال بیریلگن و بو اره ده تنه‌سی نینگ بیر بولیمی بولگن بیر قیزنینگ جسدی هم بار دیر.
جسدلرنی توپراققه قویش مراسمده اشتراک قیلگن‌لرنینگ ایتیش‌لریچه، جسد تانیلمه‌یدی و کیم نینگ قیزی و نامی نیمه بولگنی‌نی بیللی ایمس.
بیراق، کتابچه‌سی نینگ یوزیگه یازیگن متن‌گه قره‌گنده آتی عاقله یا-ده عاطفه دیر.
کتابچه‌نی ورق اوردم و بوتون صحیفه‌لرینی اوقیدیم. صحیفه‌لریدن بیریده عاقله و عاطفه نامی یازیلگن ایدی و باشقه بیر صحیفه‌ده ایسه بیر دعا و بیر تعلیمی مرکز نینگ تبلیغاتی بار ایدی.
مذکور تعلیمی مرکز نینگ تبلیغاتی‌گه قره‌گنده، اوشبو قیز کانکور سیناویده تیارگرلیک آلیش اوچون تعلیمی مرکزلردن بیریگه شامل بولیش‌نی ایسته‌ریکن.
دانایی تپه‌سیده توپراققه قویش مراسمده اشتراک قیلگن‌لردن بیری شیر هزاره نینگ ایتیشیچه، اوتگن کونی پارتلش یوز بیرگن ساحه‌ده بارگنیده اوقووچی‌لرنینگ ایاق، قول و تنه‌سی و شونینگدیک قانلی وسایل‌لرنی کورگن.
جناب هزاره نینگ ایتیشیچه، جسدلردن بیرقطارینی تانیش ناممکن و عایله اعضالری هم معلوم ایمس.
سلام‌وطندار اوزبیک بولیمی‌نی فیسبوک‌ده تعقیب قیلینگ
اونینگ ایتیشیچه: «بو کتابچه شهیدلردن بیریگه تیگیشلی دیر، اقاربی حاضرگه‌قدر تاپیلمه‌گن. اوندن یالغیز بو کتابچه قالگن و ایکینچی صحیفه‌سیده عاطفه و عاقله نام‌لری یازیلگن و کیم‌گه عاید بولگنی‌نی بیلمه‌یمیز.»
مذکور واقعه‌لرده یرهلنگنلردن بیری زلفا دیر. اونینگ ایتیشیچه، پارتلش یوز بیرگن پیتده مکتب‌دن تشقریگه ایکن و قاچیش جریانیده یره‌لنگن.
- کابل غربیده جایلشگن مکتب‌ده اویوشتیریلگن هجوم ده هلاک ایتیلگن‌لرنینگ سانی ۵۰ دن آشگن
- کابل غربیده یوزبیرگن هجوم ده ۲۵ کیشی هلاک و ۵۲ کیشی یره‌لنگن
- بوگون کابل ده یوزبیرگن اوچ پارتلش ده ۵ کیشی هلاک و باشقه ۲ کیشی یره‌لنگن
زلفا، قاچیب کیته‌دیگن پیتده کیینگه قره‌گنده تنه‌سی نینگ یرمی بولمه‌گن دوست‌لریدن بیرینی کورگن و صنف داشی نینگ بدنی‌نی یرمی‌نی کورگن حالده، هوشدن کیتگن و هوش‌گه کیلگنیده کسلخانه نینگ یاتاق‌لرینی کورگن.
اوتگن کونی صورت تاپگن پارتلشده یرهلنگنلردن باشقه ایکی ته‌سی فاطمه و عاطفه نینگ ایتیشیچه، هیچ‌قنده‌ی حادثه یا-ده پارتلش اولرنینگ تحصیلی‌گه توسیق بوله آلمه‌یدی.
۱۷ یاشیده بولگن فاطمه پارتلش یوز بیرگن چاغده مکتب‌گه ایکن و دیواردن اوزینی تشلگن و ایاغیدن یره‌لنگن.
بیراق، عاطفه مکتب دن تشقریده ایکن. اونینگ ایتیشیچه، پارتلش سیسی کوچلی بولگنی سبب، قولاق‌لری قفل بولگن و اوشه ییرده هوش دن کیتگن.
اوتگن “شنبه” کونی سیدالشهدا مکتبی‌ده یوز بیرگن حادثه‌دن حکایه‌لر کوپ دیر. گواه‌لرنینگ ایتیش‌لریچه، عایله‌لر و اوقووچی‌لرنی قیغولی حکایه‌لری بار.
توپراققه قویش مراسمده اشتراک قیلگن‌لردن بیری نینگ ایتیشیچه، مذکور پارتلشده هلاک ایتیلگن‌لردن کوپراغی بامیان یشاوچی‌لریدن دیر. اونینگ ایتیشیچه، سیدالشهدا مکتبی نینگ شرقی تامانیدن کوپ قطار بامیان‌لیک عایله‌لر تیریک‌چیلیک قیله‌دی.
