کابل شهری نینگ پنج‌صد فامیلی منطقه‌سیده جایلشگن خراسان محله‌سی یشاوچیلری، اوتگن کیچه نی اوق و پارتلش سیسی بیلن باشله‌گنلر.
مذکور آتیشمه‌لر ساعت‌لرچه دوام قیلیب و نتیجه‌ده، اسلام امیرلیگی استخبارات اداره‌‌سی نینگ خاص کوچلری یشش بیر اوی‌ده داعش موجود‌لیگی نی ادعا قیلیب و عملیات یولگه قویگنلر.
بیزلرنینگ فیسبوک صحیفه‌میزگه باش اورینگ!
استخبارات عمومی ریاستی نینگ معلوماتی اساسیده، مذکور عملیات نتیجه‌سیده داعش گروهی نینگ ۵ عضوی هلاک و شونینگدیک بیر مقدار قورال هم ضبط بولگن دیر.
اسلام امیرلیگی استخبارات ریاستی نینگ اعلامیه‌سیده کیلگن که، اوشبو عملیاتده کابل شهری‌ده‌گی پارتلش‌لرده قولی بولگن خاص بیر گروه نینگ بیر عضوی هلاک بولگن دیر.
بیراق منطقه یشاوچیلری اسلام امیرلیگی کوچلری نینگ عملیاتی پروسه‌سیدن شکایت قیلیب ایتیش‌لریچه، واقه یقینیده‌گی عایله‌‌لر اینیقسه باله‌لر، قورققنلر.
محل یشاوچیلریدن میلاد نینگ ایتیشیچه: «بوییرده‌گیلر خواطرده، اهالی آره‌سیده بو کبی عملیات یولگه قویمسلیکلری کیره‌ک ایدی. حاضر‌گچه هم ساحه نظامی دیر.»
بیزلرنینگ توییترده هم تعقیب قیلینگ!
محل یقینیده حیات کیچیره‌دیگن ۱۵ یاشر سمیر و شیرزی نینگ ایتیش‌لریچه، اوتگن کیچه نی ایرتنگ‌گچه خواطر بیلن اوتکزگنلر.
اسلام امیرلیگی سرپرست حکومتی هر دایم اوشبو گروه حکومت گه هیچ قنده‌ی تهدید حساب‌لنمه‌گنی نی بیلدیرگن بیرحالده، یشش محله‌ده داعش گروهی گه قرشی بو کبی عملیات نی یولگه قویگن.
