برشنا شرکتی نینگ سوزلاوچیسی وحیدالله توحیدی سلام‌وطندارگه ایتیشیچه، بیر آی‌دن بویان اوزبیکستان اولکه‌سیده تخنیکی معما موجود بولگنی برق تولیدی گه توسیق بولگن.
جناب توحیدی گه کوره، اوزبیکستان اولکه‌سیدن وارد بولگن برق کیسیلگنی نینگ اساسی سببی نی بیلمه‌یدیلر
“سیزلر بیله سیزلر کی تخنیکی قیین چیلیک بار و بیر آی دن بویان اوزبیکستان اولکه سیده تخنیکی قیین چیلیک چیقه دی. بیزهم تخنیکی قیین چیلیک نینگ اساسی سببی نی بیلمه ی میز. لیکن شونچه لیکچه بیله میز که تخنیکی قیین چیلیک چیققن. اوزبیکستان اولکه سیدن وارد بوله دیگن برق نینگ دستگاه سی گاز بیلن برق تولید قیله دی. اوزبیکستان اولکه سیده گی برق سب ایستیشنی ۱ مینگ میگاوات برق تولید قیله دی و ۱ مینگ میگاوات برق دن ۴۵۰ میگاواتی نی افغانستان گه یوباره دی، لیکن متاسفانه برقیمیز کیسیلگن. اینگ قیقسه مدت ده تخنیکی قیین چیلیک حل بولیشی خصوصیده امیدوار میز.”
افغانستان، اوزبیکستان اولکه سیدن ۴۵۰ میگاوات برق وارد قیله‌دی، لیکن سونگی آی‌لرده تاشکیند شهری اوچون احتیاج بولگنی باعث اوزبیکستان اولکه سی ۴۵۰ میگاوت برق دن ۱۵۰ میگاواتی نی آزه‌یتیرگن.
ترقه‌تیلگن گزارش لرگه کوره، افغانستان یوزده ۷۰% فایز برقی نی اوزبیکستان، تورکمنستان و تاجیکستان اولکه‌لریدن وارد قیله‌دی.
حاضر افغانستان ۲۰۰ میگاوات برق تولید قیلیش ده قادر بولگن و اوشبو رقم افغانستان نی احتیاجی بولگن برقی نینگ یوزده ۱۹ فایزینی تشکیل بیره دی.
انه شوحالده کابل یشاوچیلری نینگ ایتیشیچه، قوشنی اولکه لردن وارد بوله دیگن برق کیسیلگن حالده، افغانستان ده تولید بوله دیگن برق تبعیض بیلن توزیع بوله دی.
اوشبو کیشی لر گه کوره، اولکه ده تولید بوله دیگن برق، دولت نینگ یوقاری لوازملی کیشی لریگه تخصیص بیریله دی.
“دولت نینگ یوقاری لوازمی کیشی لریده دایما برقی بار، اولرنینگ ایشی جوده یخشی و هیچ قندی قیین چیلیگی یوق، برچه قیین چیلیک لر کمبغل و قشاق عایله لرده بولگن، کابل ده هرکون پارتلش ، هرکون قتل یوز بیره دی لیکن یینه هم بیز کونیمیزنی اوتکزه میز، لیکن برق بولمه گن حالده قندی قیله میز.”
“برق پرچاوی بولگنی بیز اوچون بویوک قیین چیلیک یره تگن، افغانستان نینگ سروبی، نغلو و باشقه بیر قطار بندی فعال بولگن، لیکن نیگه استفاده قیله آلمه یمیز، اوشبو خصوصده افغانستان برشنا شرکتی نیگه توجه قیلمه یدی.”
توحیدی جناب‌لری اوشبو خصوصده ایتیشیچه، افغانستان ده تولید بوله دیگن برق کسل‌خانه‌لرگه، امنیتی نهادلرگه و مهم بولگن منطقه‌لرگه بیریله‌دی.
انه شوحالده کابل شهریده برق بولمه‌گنی اوچون اجتماعی ترماق‌لردن استفاده قیله‌دیگن‌لر هم برق سیزلیک دن جدی صورتده تنقید ایتگنلر.
کابل نینگ بیر یشاوچیسی اولکه ده برق تولید ایتیشی خصوصیده حکومت نی توجه‌سیزلیکده عیبدار ایتیب منه بولرنی یازگن: “۵ مینگ ییللیک تاریخی بولگن اولکه، ۱۰۱ ییللیک استقلالی بولگن اولکه برقی نینگ سویچی قوشنی اولکه‌لرده بولگن و جمهور رئیسی هم برق تولید ایتیش رویانی کوره دی.”
کابل یشاوچی لری نینگ ایتیش لریچه، قوشنی اولکه لر برق نی کیسگن حالده کابل و باشقه بیر قطار ولایت لر یشاوچی لری قرانغی لیکده حیات کیچیره دیلر.
اوتگن کونی برشنا شرکتی بیر اعلامیه ترقه تیب، اوزبیکستان اولکه سیدن وارد بوله دیگن برق کیسیلگنی نی ایتگن ایدی.
