جاری ییل ۱۸ ثور ده کابل غربی‌ده جایلشگن سیدالشهدا مکتب برابریده ۳ پارتلش یوز بیردی و نتیجه‌ده ۶۰ اوقووچی هلاک و باشقه کمیده ۱۵۰ کیشی یره‌لندی.
اوشبو واقعه‌دن سونگ، سیدالشهدا مکتبی‌ده اویوشتیریلگن هجومده شهید بولگن‌لرنی توپراققه قویش و یره‌لنگنلرنی درمان‌لش مردمی ستاد مسوول‌لری، مذکور واقعه تیکشیریلیشی اوچون امنیتی کوچلرگه زمان بیرگن ایدیلر، بیراق مذکور واقعه‌دن کمیده ایکی هفته اوتماقده و اوشبو ستاد مسوول‌لری نینگ ایتیش‌لریچه، حقیقت‌لرنی تاپیش اوچون هیچ‌قنده‌ی سعی و حرکت صورت تاپمه‌گن.
سیدالشهدا مکتبی‌ده یوز بیرگن واقعه‌ده قربان بولگنلرنینگ عایله اعضالری اوشبو هجوم عامل‌لری قولگه آلینیب و جزالنتیریلیشی‌نی سوره‌گنلر.
قربان بولگنلر اقاربلرنینگ ایتیش‌لریچه، مکتب و باشقه تعلیمی مرکزلر اوقووچی‌لری نینگ خوفسیزلیگی‌نی تامین‌لش اوچون حکومت‌نی دقت قیلیشی کیره‌ک.
عین‌حالده، کابل پولیس قومندانلیگی سوزلاوچیسی فردوس فرامرز نینگ ایتیشیچه، اوشبو واقعه‌نی تیکشیریش اوچون بیر تیم جدی شکلده فعالیت قیلماقده و تیکشیریش‌لر نتیجه‌سینی تیزلیک بیلن میدیالر اختیاریگه قرار بیریله‌دی.
سیدالشهدا مکتبی‌ده اویوشتیریلگن هجومده شهید بولگن‌لرنی توپراققه قویش و یره‌لنگنلرنی درمان‌لش مردمی ستاد مسوول‌لری نینگ ایتیش‌لریچه، اوشبو حادثه‌ده قربان بولگنلرنینگ رقمی کوپه‌یماقده و اولر تامانیدن بیریلگن آمارلرگه کوره، ۸۹ کیشی هلاک و باشقه ۲۰۰ کیشی یره‌لنگن دیر.
