آزیق-آوقت و دارو ملی ادارهسی بوگون (سهشنبه، ۵-جدی)، کابل شهریده بیر برنامه آرقهلی تاریخی اوتگن و صفتی قویی بولگن ۱۵ مینگ کارتندن آرتیق دارو نی آلاو بیرگن.
اوشبو برنامهده آزیق-آوقت و دارو ملی ادارهسی نینگ دارو خذمتلر بولیمی اورینباسری نعمتالله رئوفی نینگ ایتیشیچه، اهالی حیاتی نی سقلش و ساغلام جمعیت ایجاد قیلیش مقصد، مذکور دارولر اوتگن آلتی آیده بیر کمپاین آرقهلی کابل شهریدهگی داروخانهلر و کسلخانهلردن توپلنگن.
بیزلرنینگ فیسبوک صحیفهمیزگه باش اورینگ!
جناب رئوفی نینگ کوپهیتیریشیچه، تاریخی اوتگن و صفتی قویی دارولر توپلنگن داروخانهلر و کسلخانهلر گه، بو تخلف نینگ تکرار قیلگنلری صورتده، عدلی نهادلر گه تانیشتیریلیشلری خصوصیده آگاهلنتیریلگن.
شوندهی بیرحالده، کابل شهری یشاوچیلریدن قطاری، داروخانهلرده تاریخی اوتگن و صفتی قویی دارولر ساتیلیشیدن خواطر بیلدریب مسئول نهادلردن اوشبو وضعیت آلدی آلینیشی نی ایستهگنلر.
کابل شهری خیرخانه یشاوچیسی محمدعلی نینگ ایتیشیچه: «شفاکار گه مراجعت قیلیب و نسخه گه قرهب دارو آلگنیمیز پیتده، دارولر نینگ ییگنیمیزدن کیین، دارولر فایده قیلمهیدی؛ بیلینهدی که دارولر صفتی قویی و تاریخی اوتگن. شونینگدیک دارولر قیمتی هم کوپ یوقاری.»
شونینگدیک کابل شهری یشاوچیلریدن باشقه بیری فرهاد، داروخانهلرده صفتی قویی دارولر ساتیلیشیدن شکایت قیلیب و ایتیشیچه: «قیغو بیلن سونگی کونلر، بازارلر و داروخانهلرده، صفتی قویی دارولر نینگ حددن تشقی کوپهیگنیدن خواطردهمیز، چونکه اوشبو دارولر درد نی درمان قیلمهی بلکیم کسل نینگ تورلیخیل کسللیککه چلینیشی گه سبب بولهدی.»
بیزلرنینگ «ایکس» ترماغی ده هم تعقیب قیلینگ!
آزیق-آوقت و دارو ملی ادارهسی نینگ دارو خذمتلر اورینباسری، کسلخانهلر، دارو ایشلب چیقرهدیگن شرکتلر و سوداگرلردن، دارو و ییگولیک ماده تاریخی بیتمهسدن آلدین، اونینگ مصرف قیلینیشی یا-ده نیازمند کیشیلر گه ترقهتیلیشی اوچون مذکور اداره گه تسلیم بیریلیشی نی ایستهگن.
ایتیش کیرهک که، افغانستان دارو وارد قیلهدیگن مملکتلردن بیری دیر و اونینگ مصرفی نیازیدن کوپینچهسی پاکستان، هندوستان و ایران دن وارد بولهدی.