زابل ساغلیق‌نی سقلش ریاستی، محلی مسئوللر و ییتکیرمه‌لر حضوری‌ده اوشبو ولایت‌ده‌گی تاریخی اوتگن دارولر نی آلاو بیرگن دیر.
زابل ساغلیق‌نی سقلش باشلیغی میرویس افغان نینگ ایتیشیچه، اوتگن بیش آی جریانیده ایکینچی مرته دیر کیم، اوشبو ولایت‌ده تاریخی اوتگن دارولر آلاو بیریله‌دی.
بیزلرنینگ «ایکس» ترماغی ده هم تعقیب قیلینگ!
اونگه کوره، مذکور دارولر زابل مرکزی قلات شهری‌دن ییغیلیب و اوتگن کون آلاو بیریلگن.
میرویس افغان نینگ کوپه‌یتیریشیچه، تاریخی اوتگن دارولر نینگ توپلش کمپاینی مرکز گه علاوه، اوشبو ولایت نینگ شاجوی، ارغنداب و شینکی تومن‌لریده هم یولگه قوییلیب و شونینگدیک بو تومن‌لردن توپلنگن تاریخی اوتگن دارولر آلاو بیریلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، زابل ولایتی یشاوچیلری ساغلیق‌نی سقلش ریاستی نینگ بو اقدامی‌دن خورسند‌لیک بیلدیریب و ایتیشلریچه، تاریخی اوتگن و صفت‌سیز دارولر نینگ ساتیلیشی یشاوچیلر ساغلیگی نی خطر بیلن روپه‌ره قیله‌دی.
اولر مسئوللردن تاریخی اوتگن و صفت‌سیز دارولر توپلنیشی کمپاینی نینگ باشقه تومن‌لر و اوزاق منطقه‌لرده یولگه قوییلیب و بو توغریده کوپراق توجه قره‌تیلیشی نی ایسته‌گنلر.
