زابل ایکینچیلیک، چاروه‌چیلیک و سوغاریش ریاستی مسئوللری نینگ ایتیشلریچه، حاضر اوشبو ولایت ده ۱۷ چاروه‌چیلیک فارم‌لری فعال دیر و آیی ده اوشبو فارم‌لردن ۱۰۰ مینگ لیتر سوت آلینه‌دی.
زابل ایکینچیلیک باشلیغی عطاءالله راشد نینگ ایتیشیچه: «لبنیات بازاری یخشی‌لیگی اوچون چاروه‌چیلیک فارم‌لری کوپه‌یگن. معلومات‌لریمیز گه بناً، حاضر زابل ده ۱۷ چاروه‌چیلیک فارم‌لری موجود دیر، هر کونی اوچ مینگ ۳۰۰ لیتر سوت آلینه‌دی و بو رقم بیر آی ده قریب ۱۰۰ مینگ لیتر گه ییتیشه‌دی.»
بیزلرنینگ فیسبوک صحیفه‌میزگه باش اورینگ!
زابل ده چاروه‌چیلیک فارم‌لری مسئوللریدن بیرقطاری نینگ ایتیشلریچه، اوتگن ییل‌لر گه نسبتن ایشلری ۶۰ فایز آشگن.
زابل ده چاروه‌چیلیک فارم‌لریدن بیری نینگ مسئولی سردارمحمد گه کوره: «چاروه‌چیلیک فارم‌لری کوپه‌یگن؛ بیراق دولت بو توغریده بی فرق دیر. اوتگن ییل‌لر گه نسبتن ایشلریمیز ۶۰ فایز یخشی بولگن.»
چاروه‌چیلیک فارمی بولگن‌لردن باشقه بیری احمدشاه نینگ ایتیشیچه، چاروه‌چیلیک فارمی دن هر کونی ۸۰ سیر سوت آله‌دی.
زابل یشاوچیلریدن بیرقطاری، صفتلی لبنیات دن فایده‌لنیش‌لریدن خورسندلیک قیلیب ایتیشلریچه، سرپرست حکومت چاروه‌چیلیک فارم‌لری رواجلنیشی و لبنیات محصولاتی اوچون چاروه‌چیلر گه یاردم بیریشی کیره‌ک.
بیزلرنینگ توییترده هم تعقیب قیلینگ!
زابل یشاوچیسی محمدقاسم نینگ ایتیشیچه: «حکومت دن، زابل ده‌گی چاروه‌چیلر اوز محصولات‌لرینی سقلش اوچون اولر گه زمینه یره‌تیشنی ایسته‌یمیز.»
ایتیش کیره‌ک که، بوندن آلدین سلام‌وطندار بیلن صحبت اوتکزگن صناعت و سوداگرلیک وزیرلیگی مسئوللری، ییلی ده افغانستان نینگ لبنیات گه نیازمندلیگی ۱۳۶ مینگ ۵۴۰ تُن گه ییته‌دی، ۴۲ مینگ ۲۲۲ تُنی لبنیات تولیدی شرکت‌لری و ۳۵ مینگ ۷۵۴ تُنی سنتی روشده بازار گه عرضه ایتیلیشینی معلوم قیلگن ایدیلر.
