زابل ولایتی کینگش باشلیغی عطاجان حق بیان نینگ ایتیشیچه، طالبان اوتگن کیچه شهر صفا تومنیده‌گی پولیس پوسته‌لریدن قطاری نی اوستیگه هجوم قیلیب و امنیتی کوچلر بیلن آتیشگن.
جناب حق بیان نینگ سلام‌وطندارگه ایتیشیچه، مذکور آتیشمه ده بیر پوسته نینگ قومندانی شامل ۵ پولیس جان بیرگن.
شونینگدیک بو آتیشمه‌لرده ۷ طالب هم هلاک بولگن و بو گروه نینگ بیر قنچه حربی جهازلری امنیتی کوچلرنینگ قولیگه توشگن.
زابل امنیتی مسئوللری طالبان هجومی و امنیتی کوچلرنینگ هلاک ایتیلگنی نی تصدیق‌لگن.
طالبان حاضرگچه بو توغریده فکر بیلدیرمه‌گن.
شونده‌ی بیرحالده، اوتگن چهارشنبه کیچه هم طالبان زابل مرکزی قلات شهری نینگ کمربندی پوسته‌لریدن قطاری نی اوستیگه هجوم قیلگن ایدی.
بیزلرنینگ فیسبوک صحیفه‌میزگه هم باش اورینگ!
مذکور هجوم ده طالبان بیر پوسته نی سقوط بیریش بیلن زابل عملیاتی کندک مسئولی محمدنسیم توخی نی اولدیریب و باشقه ۳ پولیس نی ایسه یره‌لنتیرگن ایدی.
اوتگن کون زابل ولایتی کینگش باشلیغی، بو ولایت جدی امنیتی تهدیدلر بیلن روپه‌رو بولگنی نی بیلدیردی. اونینگ آگاه‌لنتیریشیچه، زابل امنیتی وضعیتی گه توجه بولمه‌گن صورتده، بو ولایت طالبان نینگ قولیگه سقوط قیلیب و کتته بیر انسانی فاجعه یوزبیریشی ممکن.
