آمریکا مدافعه وزیرلیگی نینگ بیر گزارش نشر قیلیب ایتیشیچه، کابل شهریده مسکونی بیر اوی ده اوشبو مملکت هوایی کوچلری تامانیدن اویوشتیریلگن هجومده اوروش قانون‌نی شامل هیچ‌بیر قانون نقض ایتیلمه‌گن. آمریکا کوچلری ۷ سنبله‌ده کابل قونالغه‌سی یقینیده مسکونی بیر اوی‌نی هجوم آستیگه قرار بیرگن ایدی و نتیجه‌ده ۷ باله شامل بیر عایله نینگ ۱۰ عضوی هلاک ایتیلگن ایدی.
حاضرده آمریکا مدافعه وزیرلیگی مذکور هجوم توغریسیده تیکشیریش‌لرینی یکونلنتیریب و نتیجه‌نی میدیالر بیلن شریک قیلگن.
آمریکا هوایی کوچلری نینگ تیکشیرووچی‌سی سامی سعید اوتگن “چهار‌شنبه” کونی خبری بیر ییغین اوتکزیب، هجوم پیتده آمریکا هوایی کوچلری موترنینگ داعش گروهی تامانیدن اداره ایتیلیشی‌نی توشینگن دیگن.
اونینگ کوپه‌یتیریشیچه، او زمانده آمریکا مدافعه وزیرلیگی نینگ استخباراتی ایشلاوچی‌لری نیچه تهدید نی نظر آستیگه قرار بیرگن ایدی. اونینگ داعش گروهی نی کابل قونالغه‌سیده‌گی هجومی‌گه اشاره قیلیب ایتیشیچه، مذکور هجوم ده آمریکا حربی‌لریدن ۱۳ ته‌سی و افغانستان یشاوچی‌لریدن کوپ قطاری هلاک ایتیلگن.
سامی سعید نینگ ایتیشیچه، آمریکا استخباراتی ایشلاوچی‌لری، مذکور هجوم نی دفاع قیلیش و ریجه‌لنتیریلگن بیر هجوم گه توسیق بولیش اوچون توغری بیر حرکت عنوان قیلگنلر. اونینگ تاکید قیلیشیچه، هجوم جریانیده آمریکا کوچلری باله‌لرنینگ محلگه حضوری بولیشی‌گه دقت قیلمه‌گن.
جناب سعید گه کوره، مذکور هوایی هجوم ارتباطی خطالر سبب، یوزبیرگن. سامی سعید نینگ ایتیشیچه، آمریکا مدافعه وزیرلیگی تامانیدن صورت تاپگن تیکشیریش‌لرگه کوره، بو هجوم ده اوروش قانونی شامل هیچ‌بیر قانون نقض ایتیلمه‌گن. اونینگ ایتیشیچه، مذکور تیکشیروو نتیجه‌سی مدافعه وزیرلیگی و عملیات‌لر قومندانلیگی بیلن شریک ایتیلگن و بوتوغریده نهایی قرارنی اولر آله‌دی.
