قربان هییت بیره‌می ییتیب کیلیشی بیلن، شفاکارلردن قطاری مملکت‌ده کانگو کسل‌لیگی کوپه‌یشی خصوصیده آگاه‌لنتیریب ایتیشلریچه، هییت کونلریده گوشت‌دن کوپراق قوللنیلیشی و یشاوچیلر نینگ حیوانلر گه یقینلشی سبب، کانگو کسل‌لیگی نینگ کوپه‌یشی ممکن.
عمومی ایچکی کسل‌لیک‌لر متخصصی فرید رفیعی نینگ ایتیشیچه، کانگو کسل‌لیگی یوقمه بیر کسل‌لیک دیر که، انه شوو سبب یشاوچیلر بو توغریده معلومات‌لری نی کوپه‌یتیریشلری کیره‌ک.
بیزلرنینگ توییترده هم تعقیب قیلینگ!
رفیعی نینگ کوپه‌یتیریشیچه: «اوشبو کسل‌لیک منبع‌سی حیوانلر دیر. بیر تور کنه آرقه‌لی اوشبو کسل‌لیک انسان‌لر گه یوقه‌دی. مذکور کسل‌لیککه چلینگن حیوانلر گه انسان‌لر نینگ یقینلشی پیتده، ویروس بدن گه کیره‌دی. بو کسل‌لیککه چلینگن کیشی ایسه ایسیتمه چیقریب و یوره‌گی بوزیله‌دی.»
شفاکارلردن باشقه بیری حبیب‌الله ادیب نینگ ایتیشیچه، کابل شهری‌ده‌گی قصاب‌لر حیوانلر نینگ سویش چاغیده، ساغلیق توصیه‌لر نی رعایت قیلیشلری کیره‌ک.
ادیب نینگ کوپه‌یتیریشیچه: «درست شکلده سویش شرطلری نی نظر گه آلمه‌گنیمیز پیتده، اوشبو کسل‌لیککه چلینیش خوفی کوپه‌یه‌دی. حیوانلر نی سویه‌دیگن کیشی‌لر دست‌کش و ماسک‌دن قوللنیشلری کیره‌ک.»
باشقه بیر تامان‌دن پایتخت یشاوچیلریدن قطاری نینگ ایتیشلریچه، کانگو کسل‌لیگی نینگ آلدینی آلیش اوچون هییت کونلریده آزراق گوشت ییشلری کیره‌ک.
کابل شهری مکروریان یشاوچیلریدن ویس‌احمد نینگ سلام‌وطندار گه ایتیشیچه: «بو جوده‌یم خوفلی بیر کسل‌لیک دیر. شونده‌ی بیر وضعیت‌ده‌میز که، اوشبو کسل‌لیککه چلینگنی‌میز پیتده، درمان قیلیش امکانیتی‌میز یوق. گوشت آلگنی‌میز پیتده، کوپ قیزه‌رتیرماغی‌میز کیره‌ک. حیوانلر نینگ سویلیشی ییری هم شهر‌دن اوزاق بولیشی کیره‌ک که، بو رقم مذکور کسل‌لیک نینگ انتقال تاپیشی آلدی آلینه‌دی.»
شونده‌ی بیرحالده، کابل شهری قصاب‌لریدن قطاری نینگ ایتیشلریچه، حیوانلر نی سویش چاغیده کانگو کسل‌لیگی گه چلینیلمه‌یش اوچون ساغلیق توصیه‌لر نی رعایت قیله‌دیلر.
بیزلرنینگ توییترده هم تعقیب قیلینگ!
کابل شهری‌ده‌گی قصاب‌لردن عبدالمتین نینگ ایتیشیچه: «حیوانلر نینگ سویشی‌میز پیتده، دست‌کش و ماسک‌ده قوللنیلیشی کیره‌ک. قوی آلگنی‌میز چاغده، اونینگ ایسیتمه و کنه‌سی بولمه‌یشی گه توجه قیلیشی‌میز کیره‌ک. قوی‌لر نی سویش اوچون اولر نی حیوانلر سویله‌دیگن ییر گه آلیب کیته‌‌میز. بو موضوع نی برچه قصاب‌لر نینگ رعایت قیلیشی کیره‌ک، چونکه بو کسل‌لیک جوده‌یم خوفلی دیر.»
ساغلیق نی سقلش وزیرلیگی نینگ سونگی آماری اساسیده، اوتگن نیچه آی‌ده مملکت‌ده ۱۰۶ کیشی اوشبو کسل‌لیککه چلینگن که، اولردن ۶ ته‌سی وفات ایتگنی بیرحالده، شفاکارلر هییت کونلریده کانگو کسل‌لیگی کوپه‌یشی خصوصیده آگاه‌لنتیرگنلر.
