ایچکی ایشلر وزیرلیگی مسئوللری نینگ ایتیش‌لریچه، کابل شهریده مدافعه وزیرلیگی سرپرستی جنرال بسم‌الله محمدی نینگ اویی نی اوستیگه اویوشتریلگن هجوم، ۵ ساعت‌لیک آتیشمه دن کیین یکونلنگن.

ایچکی ایشلر وزیرلیگی سوزلاوچیسی میرویس استانکزی نینگ ایتیشیچه، مذکور آتیشمه جریانیده بیر عیال شامل ۸ کیشی هلاک و باشقه ۲۰ کیشی ایسه یره‌لنگن. هلاک و یره‌دارلرنینگ کوپینچه‌سی تینچ‌اهالی دیر.

مدافعه وزیرلیگی سرپرستی جنرال بسم‌الله محمدی نینگ ایتیشیچه، او و عایله‌سیگه هیچ قنده‌ی ضرر ییتیشمه‌گن. بیراق جناب محمدی نینگ کوپه‌یتیریشیچه، بو هجوم‌ده اونینگ قوروقچی‌لریدن قطاری یره‌لنگن.

بیزلرنینگ فیسبوک صحیفه‌میزگه باش اورینگ!

ایچکی ایشلر وزیرلیگی سوزلاوچیسی نینگ کوپه‌یتیریشیچه، مذکور حادثه‌ده هجومچی‌لر تامانیدن گرو آلینگن یا-ده بند قالگن ۸۰ دن آرتیق کیشی خاص پولیس کوچلری تامانیدن قوتقریلگن.

میرویس استانکزی گه کوره، مذکور آمار نهایی ایمس و بو هجوم قربانی‌لری نینگ سانی کوپه‌یشی ممکن. اونینگ ایتیشیچه، بیرینچی آمارلرگه کوره، هجوم قیلگنلر ۵ کیشی ایکن که اولردن ۲ ته‌سی بم جایلشتریلگن موتر نی پارتلش جریانیده هلاک بولگن. اولردن باشقه ۳ ته‌سی، امنیتی کوچلر بیلن اوتکزگن آتیشمه جریانیده هلاک ایتیلگن.

اوشبو هجوم مسئولیتی نی طالبان گروهی بوینیگه آلگن. مذکور گروه نینگ ایتیشیچه، مدافعه وزیرلیگی سرپرستی نینگ اونملی بیر ییغینی نی هجوم آستیده آلگنلر که بو هجوم نینگ کوپ تلفاتی هم بار.

قوارللی هجومچیلر اوتگن کون شام چاغی کابل شهری نینگ ۱۰- خوفسیزلیک حوزه‌سیگه تیگیشلی شیرپور منطقه‌سیده جایلشگن بسم‌الله محمدی نینگ اویی گه هجوم قیلدی.

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام