کابل شهری نینگ انتانی کسل‌خانه مسئوللری کانگو کسل‌لیگی گه چیلینگنلر سانی نینگ کوپه‌یگنیدن خبر بیرگنلر.
کابل شهری نینگ انتانی کسل‌خانه مسئوللری گه کوره، اوتگن اوچ آی جریانیده کانگو کسل‌لیگی گه شبهه‌لی ۱۲۵ واقعه قید ایتیلگن که، بو آره‌ده ۲۵ کیشی جان بیرگن.
اولر قربان هییتی و ایسیق موسومی نینگ ییتیب کیشی بیلن، اوشبو کسل‌لیک کوپه‌یشی خصوصیده خواطرده‌لر و اهالی‌دن طبی قاعده‌لر نی رعایت ایتیش‌لرنی سوره‌یدیلر.
بیزلرنینگ توییترده هم تعقیب قیلینگ!
کابل شهری نینگ انتانی کسل‌خانه‌سیده متخصص ترینر فرید‌الله عمری نینگ سلام‌وطندار گه ایتیشیچه: «حمل آیی نینگ بیرینچی تاریخی‌دن حاضرگچه ۱۲۵ کیشی بستر بولگن که بو آره‌ده اولر نینگ ۶۰ فایزی‌دن آلینگن نمونه‌لر ایجابی چیقیب و ۲۰ الی ۲۵ کیشی ایسه اوشبو کسل‌لیک طفیلی جان بیرگن.»
انتانی کسل‌خانه مسئوللری، گرچند دنیا ساغلیق نی سقلش تشکیلاتی تامانیدن ساغلیک امکانیت‌لر نینگ کیلگنیدن خبر بیرگنلر؛ بیراق قان کملیگی اینیقسه صفر و منفی قان کملیگی‌دن شکایت قیله‌دیلر.
کانگو کسل‌لیگی گه چیلینگن کسل‌لر ییترلریچه قان گه قول تاپه آلمه‌یشیلری خصوصیده خواطر بیلدیریب و بو توغریده‌گی قیین‌چیلیک حل بولینیشی نی ایسته‌یدیلر.
انتانی کسل‌خانه‌ده بستر بولگنلردن محمد آغا نینگ ایتیشیچه: «قان بانکی‌ده قان یوق، کوپ قیین‌چیلیک بیلن اهالی و دوست‌لریمیز‌دن قان تیارله‌یمیز. کوپ قیین بیر شکلده قان قولگه کیلتیره‌میز.»
شونینگدیک محمد اسماعیل نینگ سلام‌وطندار گه ایتیشیچه: «اون کون آلدین نورمال شکلده دهقان‌لیک ایشلریم نی انجام بیریب یوریگن ایدیم که، بدنم سوق بولدی و کسل‌خانه گه مراجعت قیلدیم و حاضر ایسه اوشبو کسل‌خانه ده بسترمین.»
بیزلرنینگ فیسبوک صحیفه‌میزگه باش اورینگ!
بوتوغریده کوپینچه معلومات قولگه کیلتیریش اوچون ساغلیق نی سقلش وزیرلیگی نینگ فکری نی آلیش ایسته‌دیک؛ بیراق موفق بولمه‌دیک.
ایتیش کیره‌ک که، کانگو کسل‌لیگی انسان‌دن انسان گه، کنه حشره‌سیدن انسان گه و حیوان‌دن انسان گه انتقال قیله‌دی.
