سمنگان ایکینچیلیک، سووغاریش و چاروهچیلیک ریاستی مسئوللری، کانگو کسللیگی گه قرشی کورهش کمپاینی باشلنگنیدن خبر بیرگنلر.
مذکور کمپاین بوگون سمنگان مرکزی ایبک شهریده، «اکتید» موسسهسی همکارلیگی بیلن کانگو خوفلری آلدی آلینیشی مقصد باشلنگن.
سمنگان ایکینچیلیک، سووغاریش و چاروهچیلیک ریاستینینگ چاروهچیلیک و حیوانلر سلامتلیگی بوییچه آمری فرهاد سارباغی گه کوره، اوشبو کمپاینده ۲ مینگ ۵۰۰ باش چاروه بیلن مال بازار اطرافیدهگی سکیز جریب ییرگه دوا سیپیلیشی ممکن.
سارباغینینگ ایتیشیچه، سمنگان ولایتی تومنلریدهگی محلی بازارلریده آگاهیلیک بیریش و دارو سیپیش جریانی، عرفه کونیگچه دوام قیلهدی.
