سمنگان ده‌گی زرگرلر، اوشبو ولایت ده آلتین سودا_ساتیغی سیزیلرلی درجه ده کمه‌یشیدن شکایت قیلیب ایتیشلریچه، مذکور ولایت ده زرگرلردن قطاری بازار یوق‌لیگی، اقتصادی قیینچیلیک و ایش‌سیزلیک باعث دکان‌لرینی یاپگنلر.
مذکور زرگرلر آلتین بازاری تنزل گه یوز توتیش یگانه سببینی یشاوچیلر نینگ اقتصادی قیینچیلیگی عنوان قیلیب ایتیشلریچه، اهالی آلتین ساتیب آلیش اورنیده اوز تقینچاق‌لرینی ساتماقده‌لر.
بلخ ولایتی یشاوچیسی معودالدین صدیقی، انچه ییل دن بیری سمنگان ده زرگرلیک ایشلری بیلن مصروف دیر ایتیشیچه، سونگی کون‌لرده زرگرلیک بازاری ۷۰ فایز گه کمه‌یب و زرگرلردن قطاری مناسب بازار یوق‌لیگی باعث دکان‌لرینی یاپگنلر.
بیزلرنینگ فیسبوک صحیفه‌میزگه باش اورینگ!
اونگه کوره: «اوشبو دکان زرگرلیک دکانی ایدی، ایش‌سیزلیک و اقتصادی قیینچیلیک باعث یاپیلدی، سابق حکومت ده ایش یامان ایمس ایدی، یشاوچیلر بیر آز توق ایدیلر و ایش هم یخشی ایدی، پول مصرف بولمسلیگی اوچون کیلیب طلا ساتیب آلر ایدیلر، حاضر ایش یوق یشاوچیلر اوز آلتین‌لرینی کیلیب ساتماقده‌لر.»
سمنگان ده زرگرلردن باشقه بیری محمدآغا، مذکور ولایت ده زرگرلیک بازاری تنزل گه یوز توتیشی حقیده ایتیشیچه، بازار یوق‌لیگی باعث حتا دکانینی آچیش گه علاقه قیلمه‌یدی.
او نینگ کوپه‌یتیریشیچه: «سونگی ییل‌لرده زرگرلیک بازاری تنزل گه یوز توتگن حتا یشاوچیلر اوز تقینچاق‌لرینی آلیب کیلیب ساتماقده‌لر، ایش یوق‌لیگی باعث حتا دکان‌نی آچکیم کیلمه‌یدی، یشاوچیلر نینگ اقتصادی قیینچیلیگی باعث بازار قریب ۴۰ و ۵۰ فایز گه کمه‌یگن.»
شو بیلن بیرگه سمنگان ولایتی مسئوللری، اقتصادی قیینچیلیک نی مملکت دن سرمایه چیقریلیشی عنوان قیلیب ایتیشلریچه، حکومت ینگی‌لیکده شکللنگن و اوشبو قیینچیلیک استه_سیکین حل بوله‌دی.
بیزلرنینگ توییترده هم تعقیب قیلینگ!
سمنگان معلومات و مدنیت آمری اسدالله عطایی نینگ سلام‌وطندار گه ایتیشیچه: «حکومت ینگی‌لیکده شکللنگن، تیزیم قوله‌شیدن کیین ایریم قیینچیلیک‌لر تاپیلیشی ممکن، بیراق حکومت یشاوچیلر گه ایش زمینه‌لرینی یره‌تیش مقصدیده سعی‌وحرکت قیلماقده، بو مدت ایچیده مملکت دن سرمایه‌لر چیقریلگن‌لیگی ممکن اما حکومت یاش‌لر و اهالی گه ایش زمینه‌سینی یره‌تیش گه متعهد دیر.»
بلخ و سمنگان ولایت‌لریده زرگرلردن بیرقطاری، مناسب بازار یوق‌لیگی و دکان‌لری نینگ اجاره‌سینی توله‌ی آلمسلیک‌نی، زرگرلیک دکان‌لرینی یاپیش دلیلی عنوان قیله‌دیلر.
