کانگو کسل‌لیگی، یوقوملی کسل‌لیک بولیب حیوان‌لر تنه‌سیده‌گی کنه چقیشی بیلن باشقه حیوان‌لر گه یوقه‌دی و انسان‌لر حیوان‌لر گه یقینلشی یا که اولر نینگ گوشتینی ییش بیلن اوشبو کسل‌لیککه چلینه‌دیلر.
انتانی کسلخانهسی مسئوللری نینگ ایتیشلریچه، کابل شهری ده کانگو کسل‌لیگیگه چلینگنلر سانی کوپه‌یماقده و یالغیز اوتگن ایکی هفته ده، اوشبو کسل‌لیک طفیلی سکیز کیشی وفات ایتگن.
انتانی کسلخانهسی متخصص ترینری فرید گه کوره: «هییت دن آلدین آلتی و سکیز کیشی بستری ایدی و هییت کون‌لریده یشاوچیلر طبی قاعده‌لرنی رعایت ایتمسلیگی اوچون بستری بولگن‌لر سانی ۴۰ کیشی گه ییتگن و سکیزدن آرتیق کیشی وفات ایتگن.»
بیزلرنینگ فیسبوک صحیفه‌میزگه باش اورینگ!
انتانی کسلخانهسی مسئوللری، کسل‌لر اوچون بستر آزلیگینی اساسی قیینچیلیک‌لریدن عنوان قیلیب و ساغلیق‌نی سقلش وزیرلیگی دن، مذکور کسلخانه اوچون باشقه کتته ییر نظر گه آلینیشینی سوره‌یدیلر.
انتانی کسلخانهسی متخصص ترینری فرید عمری، آغیر ایسیتمه، باش آغریق، موسکول (عضله) آغریق، بویین آغریق، بیل آغریق، کوز قیزیل‌لیگی، افسرده‌لیک و عصبی بولیش‌نی کانگو کسل‌لیگیگه چلینیش عامل‌لریدن عنوان قیله‌دی.
او اولکه یشاوچیلریدن، کانگو کسل‌لیگیگه چلینمسلیک اوچون، طبی قاعده‌لرنی رعایت ایتیش‌لرینی طلب قیله‌دی. او نینگ کوپه‌یتیریشیچه: «قصابی قیلیش پیتیده قول یا که ایاغیمیز یره بولسه حیوان گه یقینلمه‌سک، حیوان نی ذبح قیلیش چاغیده قول قاپ، کوز آینک، ماسک و موزه کیسک، حیوان نی ذبح قیلیش دن کیین حیوان نینگ تیریسینی کویدیریب و مسک.»
انتانی کسلخانهسیده کانگو کسل‌لیگیگه چلینگن‌لردن بیری امانالله نینگ ایتیشیچه، هییت کون‌لریده کوپراق حیوان‌لر گه یقینله‌گن شونی اوچون کانگو کسل‌لیگیگه چلینگن.
بیزلرنینگ توییترده هم تعقیب قیلینگ!
اونگه کوره: «هییت کونیده بیر سیگیرنی قربان‌لیک قیلدیک و اونی کنه‌سی بار ایدی و کیین ایسه کنه ایاغیم گه قونگندی، اونی اوزاقلشتیریش دن کیین یوره‌گیمگه گمان تاپیلدی و کیین ایسه کانگو کسل‌لیگیگه چلیندیم.»
انتانی کسلخانهسی ده کانگو کسل‌لیگیگه چلینگن‌لردن باشقه بیری رازالدین گه کوره، قربان هییت بیرمی دن نیچه کون اوتگچ کانگو کسل‌لیگیگه چلینگنینی سیزگن. «باریب قصاب‌لیک قیلدیم و هیچ نرسه نی سیزمه‌دیم، گوشت آلیب کیلدیلر، تورت-بیش کونگچه ساغ ایدیم و کیین ایسه اوشبو کسل‌لیک بیلگیلری پیدا بولدی.»
ایتیش کیره‌ک که، اوتگن ییل ده کابل شهری ده ۱۶۰ کیشی کانگو کسل‌لیگیگه چلینیب و اولر ارا ۳۵ کیشی وفات ایتگن.
