قربان هییتی ییتیب کیلیشی بیلن ساغلیک نی سقلش وزیرلیگی نینگ آگاه‌لنتیریشیچه، کانگو کسل‌لیگی نینگ جدی آلینیشی کیرهک عکسینچه حالده، اوشبو کسل‌لیک نینگ کوپه‌یشی ممکن. ساغلیق نی سقلش وزیرلیگی مسئوللری یشاوچیلردن هییت کون‌لریده طبی قاعده‌لر نی نظر گه آلیشلری نی سوره‌گن.
ساغلیق نی سقلش وزیرلیگی نینگ نظارت قیلووچی بولیم عضوی حزب‌الله جلیل نینگ ایتیشیچه، یالغیز اوتگن بیر هفته‌ده ۱۲ کیشی کانگو کسل‌لیگی گه چلینیب و اولردن بیری ایسه جان بیرگن. جناب جلیل نینگ کوپه‌یتیریشیچه، کانگو کسل‌لیگی نینگ ایجابی نمونه‌لریدن کوپینچه‌سی هرات، کابل و پروان ولایت‌لریده قید ایتیلگن.
بیزلرنینگ فیسبوک صحیفه‌میزگه باش اورینگ!
داکترلردن قطاری نینگ ایتیش‌لریچه، کانگو «کنه» آرقه‌لی حیوان‌دن انسان گه انتقال قیله‌دیگن بیر ویروس دیر. قان بیلن بولَنگن نرسه‌لر گه قول اوریش اوشبو ویروس نینگ انتقال بیره‌دیگن یوللردن باشقه بیری دیر. داکترلر نینگ کوپه‌یتیریش‌لریچه، کانگو گه چلینگن حیوان نینگ قانی گه قول اوریلگن پیتده، اوشبو کسل‌لیک انتقال قیله‌دی.
باشقه بیر تامان‌دن، کابل بیلیم یورتی حیوان و انسان آره‌سیده‌گی قوشمه کسللیکلر گه تیگیشلی اینیقسه کانگو کسل‌لیگی خصوصیده بیر کنفرانس یولگه قوییگن.
کابل بیلیم یورتی نینگ وترنری فاکولته اوقیتووچیسی اسدالله صمدی نینگ ایتیشیچه، «کنه» یا حیوان قانی انسان بدنی گه تیککن تقدیرده، تاووق کسلی، جینی (دیوانه) ایت، حیوانی محرقه، کرم کدودانه و ملاریا جمله‌دن انسان‌لر و حیوان‌لر ارا یوقمه کسللیکلردن دیر که ییل‌ده اونلرچه انسان اوشبو کسللیکلر طفیلی هلاک بوله‌دی.
جناب صمدی نینگ کوپه‌یتیریشیچه، طبی تیکشیریش‌لر گه قره‌گنده، ویروسی کسللیکلر حیوان‌دن انسان گه و شو رقم انسان‌دن حیوان گه کوپه‌یماقده دیر.
بیزلرنینگ توییترده هم تعقیب قیلینگ!
شونده‌ی بیرحالده، اوشبو ییغین گه شرکت قیلگنلر، عالم‌لر، قوم بویوک‌لر، مکتب‌لر، بیلیم‌لر و رسانه‌لر نی اونملی دیب و ایتیش‌لریچه، اهالی نینگ آگاه قیلیش کانگو کسل‌لیگی نینگ خطرلری نی کمه‌یتیره‌دی.
جان آغریش، حساسیت، خونریزی، باغیز آغریق و قیترماق کانگو کسل‌لیک نینگ علایم‌لریدن دیر. ساغلیک مسئوللر کانگو کسل‌لیگی گه چلینمه‌یش اوچون، حیوان‌لر گه تِیِنمه‌ی و قربان‌لیک قیلیش چاغیده دست‌کش، ماسک و عینک‌دن قوللنیش‌لری کیرهک.
