اسلام امیرلیگی باش وزیری محمدحسن آخوند، قربان هییتی نمازی‌دن کیین ارگ ده قیلگن نطقی‌ده افغانستان بویلب عمومی کیچیریم رعایت بولگنی‌نی بیان قیلیب و تشقی مملکت گه کیتگن برچه افغانستان‌لیکلردن، مملکت گه قیتیشلرینی ایسته‌گن.
او، اوشبو کیشی‌لردن هیچ بیری‌گه زیان ییتیشمسلیگی توغریسیده تاکید‌لب و اولردن تینچ بیر فضا‌ده حیات کیچیریش‌گه دوام بیریشلرینی سوره‌گن.
بیزلرنینگ فیسبوک صحیفه‌میزگه باش اورینگ!
اسلام امیرلیگی باش وزیری، یشاوچیلر‌دن مذکور هییت کونلری‌ده، کمبغل عایله‌لر، قوشنی‌لر و یقین‌داشلری‌گه یاردم بیریشلرینی ایسته‌ب و قربان هییت بیرمی‌نی، همدرد‌لیک و نیازمند کیشی‌لرگه توجه قیلیش اوچون بیر فرصت دیگن.
شونینگدیک محمدحسن آخوند‌نینگ کوپهیتیریشیچه، اسلامی توزوم‌ده ایش و مسئولیت «امانت» دیر و برچه کیشی اونینگ عمل‌‌گه آشیریش‌ده تقوا و عدالت‌نی رعایت قیلیشی کیره‌ک.
او نطقی‌نینگ بیر بولیمی‌ده ایتیشیچه، ییتکرمه‌لر اسلام امیرلیگی یوتوقلرینی «کم بهاله‌ب و بو توغریده ناتوغری قضاوت» قیله‌دی. اسلام امیرلیگی باش وزیری‌نینگ اورغولشیچه، «اسلامی نظام مشعلی اوچیشی‌گه یول قویمسلیگیمیز کیره‌ک.»
بیزلرنینگ «ایکس» ترماغی ده هم تعقیب قیلینگ!
محمدحسن آخوند‌نینگ کوپهیتیریشیچه: «قیین‌چیلیکلر بولگنی بیلن، هوشیار بولیشمیز کیره‌ک. عالم‌لر و بوتون افغانستان‌لیک‌لر، دشمن‌گه اسلامی نظام ستون‌لرینی ضعیف‌لشتیریش امکانی‌نی بیرمسلیگی کیره‌ک.»
اسلام امیرلیگی، بوگون‌نی قربان هییتی‌نینگ بیرینچی کونی اعلام قیلیب و مملکت بویلب هییت نمازی اوقیلدی. اسلامی مملکت‌لردن قطاری جمله‌دن سعودی عربستان اوتگن جمعه کونی‌نی هییت دیب اعلام قیلگن ایدی.
