ساغلیق نی سقلش وزیرلیگی رسمی‌لری، یکشنبه کونی، ۳۰ میزان، جمهوریت کسلخانه‌سی نینگ قیته قوریش ایشی رسمی روشده باشلنگنیدن خبر بیرگنلر.
اوشبو وزیرلیک سرپرستی قلندر عباد، کابل ده جمهوریت کسلخانه‌سی نینگ قیته قوریش ایشینی باشلش مراسمی ده ایتیشیچه، اوشبو کسلخانه زمانه‌وی امکانیت و ستندرد شکلده بیر ییل ده قیته قوریلیب و خره‌جتی ۴ میلیارد افغانی تخمین ایتیلگن.
او نگه کوره: «اوشبو کسلخانه ده اوتمیش ده یالغیز ۶ یا ۸ تخصصی بولیم بار ایدی بوندن کیین ۲۸ تخصصی بولیم بولیشی ممکن، شونینگدیک، بستری ۳۰۰ دن ۴۰۰ بستر گه کوپه‌یتیریله‌دی.»
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی سرپرستی، افغانستان ده ساغلیک بولیمیده‌گی کمچیلیک‌لرنی قبول قیلسه ده، بیراق اولکه یشاوچیلری هر ییلی اوزلرینی دوالش اوچون چیت ایل مملکت‌لری گه ۵۰۰ میلیون دالر توله‌یدیلر، بو وزیرلیک مملکت ده‌گی کسلخانه‌لرنی ستندرد و زمانه‌وی طبی امکانیت‌لر بیلن تامینلش اوچون سعی‌وحرکت قیله‌یاتگن‌لرینی معلوم قیله‌دی.
ساغلیق‌نی سقلش وزیرلیگی سرپرستی نینگ کوپه‌یتیریشیچه: «یشاوچیلر چیت ایل گه باریب اوزلرینی دوالش اورنیده مملکت ده دوالش اوچون، اولکه ده‌گی کسلخانه‌لر نینگ زمانه‌وی امکانیت بیلن تامینلش مقصدیده سعی‌حرکت قیلماقده‌میز.»
مذکور مراسم ده، جمهوریت کسلخانه باشلیغی امین‌الله معینی ساغلیق‌نی سقلش وزیرلیگی رسمی‌لریدن، ساغلیک بولیمی ده جدی دقت قیلیب و اوشبو کسلخانه نینگ قیته قوریش ایشلری تیزلیک بیلن یکونلنیشی اوچون سعی‌وحرکت قیلیش‌لرنی طلب قیلگن.
او نینگ ایتیشیچه: «اوتگن آلتی آی ده اوشبو کسلخانه گه یوز مینگ کسل مراجعت قیلگن و باشقه ۱۲ مینگ دن آرتیق بیمار نی بستری قیلدیک، بو کسلخانه گه مراجعت قیله‌دیگنلر یقین و اوزاق ولایت‌لر اهالیسی دیر منطقه‌لری ده دوالش امکانی یوق‌لیگی اوچون بو ییرگه مراجعت قیلیشه‌دی.»
بیزلرنینگ «ایکس» ترماغی ده هم تعقیب قیلینگ!
جمهوریت کسلخانه‌سی نینگ تعمیرلش مسئولیتینی آلگن «ملی ترقیات شرکت» مسئوللری، ایشلرینی اساسی شکلده عملی قیلیش‌لریدن ایشانچ بیره‌دیلر.
ملی ترقیات شرکت نینگ معینی عبدالولی عادل نینگ ایتیشیچه: «بو کسلخانه نینگ ایشلرینی اساسی شکلده عملگه آشیریش اوچون ساغلیق‌نی سقلش وزیرلیگی و یشاوچیلر گه ایشانچ بیره‌میز.»
عینی‌حالده، اوشبو مراسم ده شهرلرنی رواجلنتیریش و مخابرات وزیرلیک‌لری سرپرست‌لری، افغانستان ساغلیک مرکزلری نینگ صفتینی آشیریش اوستیگه تاکید ایته‌دیلر.
ساغلیق‌نی سقلش وزیرلیگی نینگ معلوماتی اساسیده، اوتگن ۲۰ ییل ده مملکت یشاوچیلری نینگ ۵۰ دن ۶۰ فایزی طبی خذمت‌لردن فایده‌لنه آلمه‌گن بیر حالده، جمهوریت کسلخانه‌سی نینگ ستندرد و زمانه‌وی شکلده قیته قوریش ایشی باشلنگن.
