ساغلیق نی سقلش وزیرلیگی مسئوللری نینگ سلام‌وطندار گه ایتیشلریچه، اوتگن ۱۸ کون جریانیده مملکت بویلب کرونا گه چلینگن ۳ مینگ ایجابی واقعه ثبت بولگن.
اوشبو وزیرلیک سوزلاوچیسی شرافت زمان امرخیل نینگ ایتیشیچه: «اپریل آیی‌ده اون کیشی اوشبو کسل‌لیک نتیجه‌سیده، جان بیردی و شونینگدیک اوتگن ۱۷ کون جریانیده ایسه ۱۵ کیشی اوشبو کسل‌لیک باعث، جان‌‌لری نی قولدن بیرگنلر.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، افغان جاپان کسلخانه مسئوللری نینگ ایتیشلریچه، کونده ۸۰ گه یقین کیشی کرونا تستی اوچون اوشبو کسلخانه گه مراجعت قیله‌دیلر.
عین حالده، مذکور کسلخانه نینگ کووید ۱۹ بولیمی اداری مدیری حشمت‌الله غزنوی نینگ ایتیشیچه، کسلخانه گه مراجعت قیلووچی کسل‌لردن کوپینچه‌سی ایکی یا-ده اوچ مرته کرونا گه چلینگنلر.
جناب غزنوی نینگ کوپه‌یتیریشیچه: «هییت‌دن کیین مراجعه قیلووچیلر سانی کوپه‌یگن که، اولردن کوپینچه‌سی اوتمیش‌ده اوشبو کسل‌خانه‌ده بستر بولیب و واکسین بولگن ایدیلر. ایکینچی و اوچینچی مرته دیر که، ینه بستری بوله‌دیلر.»
شونده‌ی بیرحالده، افغان-جاپان کسل‌خانه‌سی داکترلری نینگ ایتیشلریچه، مملکتده کرونا گه چلینگنلر سانی کوپه‌یگن و کونده عیال‌لر شامل قریب اون کیشی بستری بوله‌دی.
عین حالده، افغان-جاپان کسل‌خانه‌سیده‌گی کرونا گه چلینگنلر، اوشبو کسل‌خانه‌ده‌گی درمانی امکانیت‌لر خصوصیده خورسند‌لیک بیلدیرگنلر.
مذکور کسل‌خانه‌ده ۵ کون‌دن بیری بستری بولگن محمد‌زمان نینگ ایتیشیچه: «کابل دن‌مین، کرونا گه چلیندیم و حاضر ایسه وضعیتیم یخشی بولگن. داکتر‌لر درست بیر شکلده تداوی قیلیدیلر، دوا و ییمک یخشی ایدی. کسلخانه خذمت‌لریدن رضایتی‌میز بار.»
بیزلرنینگ توییترده هم تعقیب قیلینگ!
شونینگدیک اوشبو کسلخانه گه آنه‌سی دوالنیش اوچون کیلتیرگن پروان ولایتی یشاوچیسی مریم نینگ ایتیشیچه: «۱۷ کون‌دن بیری آنه‌م بستر دیر. پروان ده بستری ایدی، بیراق او ییرده تداوی بولمه‌دی. بو ییر گه کیلتیردیک و معاینه نتیجه‌سی مثبت ایدی. حاضر ایسه وضعیتی یخشی بولگن.»
ایتیش کیره‌ک که، افغان-جاپان کسلخانه مسئوللری نینگ آماری اساسیده، حاضر ایسه مذکور کسل‌خانه‌ده قریب ۴۰ کسل بستری دیر. ساغلیق نی سقلش وزیرلیگی نینگ ایتیشیچه، اوشبو کسل‌لیک نینگ ترقه‌تیلمه‌یشی اوچون مملکتده کرونا واکسینی نینگ تطبیق بولیشی ممکن.
