ساغلیقنی سقلش وزیرلیگی نینگ اعلان قیلیشیچه، اوتگن بیر کیچه و کندوز ده مملکت بوییچه کرونا ویروسیگه چلینگنلردن 12 تهسی دنیا دن اوتگن.
بوگون “یکشنبه” ساغلیقنی سقلش وزیرلیگی نینگ بیر گزارش آرقهلی ایتیشیچه، اوتگن بیر کیچه و کندوز ده کرونا ویروسیگه شبههلی 1 مینگ و 593 کیشیدن آلینگن نمونهلر سیناودن اوتکزیلگن و بو جملهدن 160 تهسی نینگ نتیجهسی ایجابی تانیلگن.
اوشبو وزارت تامانیدن نشر قیلینگن گزارشگه کوره، انهشو مدتده کرونا ویروسیگه چلینگنلردن 319 تهسی درمانلنگن و کرونا ویروسیدن ینگی ایجابی واقعهلر مملکت 15 ولایتیده قید ایتیلگن
ساغلیقنی سقلش وزیرلیگی تامانیدن بیریلگن آمارلرگه کوره، مملکتده کرونا ویروسی چیقگنیدن حاضرگهقدر 52 مینگ و 7 کیشی بو ویروسگه چلینگن و بو جملهدن ۲ مینگ و 170 تهسی دنیا دن اوتیب و باشقه ۴۱ مینگ و 331 تهسی درمانلنگن دیر.
اوشبو وزارت نینگ کوپهیتیریشیچه، مملکت بوییچه حاضرگهقدر 193 مینگ و 706 کیشی دن آلینگن نمونهلر سیناودن اوتکزیلگن.
عینحالده، هرات ولایتی بوییچه ساغلیقنی سقلش ریاستی تامانیدن بیریلگن آمارلرگه کوره، اوتگن 1 آی جریانیده کرونا ویروسیگه شبههلی 98 کیشی اوشبو ولایتده دنیا دن اوتگن.
اوشبو ریاست تامانیدن بیریلگن آمارلرگه کوره، کرونا ویروسیگه شبههلی کونده 3 دن باشلب 6 کیشی شهید بسیم و شهید رازی کسلخانهسیده دنیا دن اوتهدی.
هرات ولایتی بوییچه ساغلیقنی سقلش ریاستی سوزلاوچیسی محمدرفیق شیرزی نینگ ایتیشیچه، اوتگن بیر کیچه و کندوز ده کرونا ویروسیگه شبههلی 3 کیشی اوشبو ولایت کسلخانهلریگه دنیا دن اوتگن و 46 ینگی ایجابی واقعه قید ایتیلگن.
ایتیلیشیچه، حاضرگهقدر دنیا بوییچه ۸۰ میلیون و 770 مینگ دن آرتیق کیشی کرونا ویروسیگه چلینگن و بوجملهدن ۱ میلیون و 765 مینگ دن آرتیق کیشی دنیا دن اوتیب و باشقه ۵۶ میلیون و968 مینگ کیشی درمانلنگن.
