شوکت میرضیایف اوزبیکستان جمهورلیک ریاستی سیلاوی تیزلیک بیلن اوتکزیلیشینی امضاله‌دی

اوزبیکستان دولت رهبری شوکت میرضیایف، اوشبو ییل ۸ می ده عالی کینگش نماینده‌لری، سیاسی حزب‌لر ییتکچیلری، قضا و اجرائیه رسمی‌لری و عمومی فعاللر بیلن ریفراندوم نتیجه‌سی حقیده بحث ایتگن. اوزبیکستان جمهور باشلیغی، اوز بیاناتیده ینگی اساسی قانون قنده‌ی‌لیگی، و اوشبو قانون گه کیریتیلگن اوزگریش‌لر و قوشیمچه‌لر حقیده آچیق معلومات بیرگن.

ا.ا نینگ افغانستان ده حربی تشکیلات کوچه‌یشی گه دایر منطقه مملکت‌لر نینگ خواطری گه جواب مناسبتی

اسلام امیرلیگی، افغانستان ده حربی تشکیلات و بنگی‌وار ماده‌لر قاچاقی کوچه‌یشی گه دایر روسیه نینگ اکادمی علوم_علمی و تحلیلی اطلاعات مرکز باشلیغی نیکولای پلوتنیکف نینگ خواطری گه جواب ایتیشیچه، اسلام امیرلیگی هیچ بیر مملکت بیلن قرشی ایمس و حسابات‌لری اساسیده، مملکت نینگ خوفسیزلیک نیازلرینی تأمینله‌ماقده دیر.

افغانستان ۱۴۰۱_ییل ده سرپل قشقری نفتی کانیدن ۲.۵ میلیارد افغانی درآمد قیلگن

جوزجان افغان‌گاز تصدی ریاست رئیسی اخترمحمد منصور نینگ ایتیشیچه، اوشبو تصدی قویاش ۱۴۰۱_ییل‌ده سرپل قشقری نفت کانیدن، ایکی میلیارد ۵۰۰ میلیون افغانی و جوزجان گاز کانیدن ۸۷۵ میلیون ۷۹۰ مینگ افغانی درآمد قیلگن.

اسلام امیرلیگی هیأتی خلق‌ارا اقتصادی ییغیلیش ده اشتراک ایتیش اوچون تاتارستان گه سفر قیلدی

مملکت صناعت و سوداگرلیک وزیرلیگی نینگ سرپرستی نورالدین عزیزی ییتکچیلیگی ده اوشبو هیأت، روسیه رسمی‌لری و کمپنیه‌لری نماینده‌لری بیلن اوچره‌شیب، ایکی تامانلمه مناسبت‌لرنی مستحکم‌لش، سوداگرلیک و سرمایه یاتقیزیش حقیده بحث ایتیش‌لری کوتیله‌دی.

ایکینچیلیک وزیرلیگی سرپرستی: متخصص سیز، افغانستان ایکینچیلیگی سنتی‌لیگچه قاله‌دی

ایکینچیلیک، سوغاریش و چاروه‌چیلیک وزیرلیگی سرپرستی عطاءالله عمری نینگ ایتیشیچه، افغانستان ایکینچیلیگینی رواجلنتیریش اوچون ایکینچیلیک متخصص‌لری نینگ حضوری مهم دیر. افغانستان ده متخصص کیشی‌لر ایکینچیلیک نینگ اساسی ستونی سنله‌دی و اولر بولمه‌گن تقدیرده، ایکینچیلیک سنتی‌لیگچه قاله‌دی.

بدخشان فیض‌آباد شهری یشاوچیلری دم‌آلیش مکان‌لری چیقیندی‌خانه‌لر گه اوزگرگنیدن شکایت قیله‌دیلر

بدخشان مرکزی فیض‌آباد شهری یشاوچیلریدن بیرقطاری، اوشبو ولایت ده دم‌آلیش مکان‌لری چیقیندی‌خانه‌لر گه اوزگرگنیدن شکایت قیله‌دیلر. فیض‌آباد شهری یشاوچیسی شهرام نیازی گه کوره، اوشبو شهر ده پارک‌لر و دم‌آلیش مکان‌لری آز بولسه ده، بیراق یشاوچیلر نظافت نی رعایت قیلمسدن چیقیندی‌لرینی هر جای ده تشله‌یدیلر.