اسلام امیرلیگی، افغانستان ده حربی تشکیلات و بنگی‌وار ماده‌لر قاچاقی کوچه‌یشی گه دایر روسیه نینگ اکادمی علوم_علمی و تحلیلی اطلاعات مرکز باشلیغی نیکولای پلوتنیکف نینگ خواطری گه جواب ایتیشیچه، اسلام امیرلیگی هیچ بیر مملکت بیلن قرشی ایمس و حسابات‌لری اساسیده، مملکت نینگ خوفسیزلیک نیازلرینی تأمینله‌ماقده دیر.
جناب پلوتنیکف تهران ده «افغانستان کیله‌جگی؛ ایران و روسیه رولی» عنوانی ده اوتکزیلگن ییغیلیش ده، اسلام امیرلیگی نینگ حربی تشکیلاتی کوچه‌یشیدن خواطر بیلدیرگن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «اسلام امیرلیگی نیگه برچه درآمدلرینی حربی بولیم گه صرفلشی کیره‌ک؟ قوشنی‌لری گه قرشی فعالیت نیتیده می. اولر بنگی‌وار ماده ایشلب چیقریلیشی گه قرشی کوره‌شماقده‌لیگینی ایته‌دیلر و هیچ بیر ماده انتقال بیریلمه‌یدی، بیراق حقیقت بوکه بنگی‌وار ماده‌لری ایکیلماقده و حتا ایکینی کمه‌یتیریلمه‌گن. افغانستان آبادانچیلیگی اوچون یاردم بیره آله‌دیگن کوچلی، ضیالی کیشی‌لر بو مملکت نی ترک ایتگنلر.»
بیراق اسلام امیرلیگی سوزلاوچیسی نینگ اورین باسرلریدن بلال کریمی، افغانستان نینگ خوفسیزلیک نیازلری باعث حربی تشکیلات کوچه‌یتیریلیشی کیره‌ک دیب، حکومت هیچ بیر مملکت بیلن قرشی ایمس‌لیگی اوستیده تأکید ایته‌دی.
اونگه کوره: «بو ایچکی بیر موضوع دیر. اسلام امیرلیگی اوز حساباتی اساسیده برچه ساحه‌لرده مملکت نینگ نیازلرینی تأمینله‌ماقده. مملکت نینگ نیازلری گه بناً امنیتی تشکیلات کوچه‌یتیریلیشی مهم دیر، بیز عملی قیله‌میز. باشقه هیچ بیر مملکت بیلن کیسکین‌لیکده بولیشنی ایستمه‌یمیز.»
عین‌حالده، ملی خوفسیزلیک تدقیقاتچیسی شمشاد عزیز کاظمی گه کوره، منطقه ده‌گی مملکت‌لر افغانستان ده کوچلی بیر دولت شکللنیش طرفداری ایمس‌‌لر.
او نینگ کوپه‌یتیریشیچه: «افغانستان ده کوچلی بیر دولت شکللنیشی و کوچلی اردو استخبارات گه ایگه بولیش، منطقه ده‌گی قطار مملکت‌لر منفعتی گه ایمس دیر؛ اولر سیاسی ایستک‌لرینی قبول قیلدیریش اوچون افغانستان ده ضعیف بیر دولت بولیشنی ایسته‌یدیلر.»
بیزلرنینگ توییترده هم تعقیب قیلینگ!
خلق‌ارا مناسبت‌لر استادی محمود اضطرابی گه کوره، منطقه مملکت‌لری اولر نینگ منفعتی اساسیده افغانستان ده حکومت شکللنیشنی ایسته‌یدیلر. «قوشنی‌لریمیز منفعت‌لری اساسیده افغانستان ده حکومت شکللنیش نی ایسته‌یدیلر، یعنی روسیه خواطر بیلدیرماقده، روسیه بوتون جهان بیلن کوره‌شیب کیله‌یاتگن بیر قدرت دیر، بیراق قوشنیسی ۱۵۰ مینگ یا ده ۲۰۰ مینگ اردوسی بولیشنی ایستمه‌یدی، امنیت اوستیده کوپ سرمایه یاتقیزیش گه مجبور دیر.»
نیچه کون آلدین، اسلام امیرلیگی مدافعه وزیرلیگی، افغانستان خوفسیزلیگی اوچون ۱۵۰ مینگ اردو تشکیل بیریشینی ایتگندی، بو سوزلر منطقه مملکت‌لر نینگ خواطری گه سبب بولگن.
