دنیا بانکی نینگ اعلام قیلیشیچه، افغانستان گه یاردم بیره‌دیگن اولکه‌لر، افغانستان نینگ باغلنگن پول‌لریدن ۲۸۰ میلیون دالری نی ساغلیق خذمت‌لر ییتکیزیش و ییگولیک ماده یاردم‌لری اوچون دنیا ییمک تشکیلاتی و بیرلشگن ملت‌لر تشکیلاتی نینگ باله‌لردن حمایت قیلووچی صندوغی گه بیریلیشی خصوصیده کیلیشگن.
اوتگن کون دنیا بانکی بیر بیانیه آرقه‌لی، مذکور پول‌لر نینگ ۱۸۰ میلیون دالری ییگولیک ماده یاردم‌لری و ۱۰۰ میلیون دالری ایسه ساغلیق خذمت‌لر ییتکیزیش اوچون، بیرلشگن ملت‌لر تشکیلاتی نینگ باله‌لردن حمایت قیلووچی صندوغی گه انتقال بیریلیشی نی ایتگن ایدی.
دنیا بانکی نینگ ایتیشیچه، بو پول افغانستان نینگ قیته قوریش صندوغی دن انتقال بیریلیشی بیلن یونیسف ۱۲.۵ میلیون کیشی‌گه ساغلیق خذمت‌لر ییتکیزیش و شونینگدیک بیر میلیون کیشی نی واکسین بولیشی‌گه زمینه یره‌ته آله‌دی.
بیزلرنینگ فیسبوک صحیفه‌میزگه باش اورینگ!
عین حالده، خلق‌ارا ییمک برنامه‌سی تامانیدن ۲.۷ میلیون کیشی‌گه ییمک یاردم‌لری ییتکیزیلیشی ممکن .
افغانستان نینگ باغلنگن پول‌لری دن بیر حصه‌سی آزاد ایتیلگن بیر حالده، افغانستان ده اسلامی امارتی قدرت گه ایریشگنیدن کیین، بو مملکت مرکزی بانکی نینگ کمیده ۱۰ میلیارد دالری آمریکا تامانیدن باغله‌نیب و افغانستان نینگ خلق‌ارا پول صندوغی دن قوللنیشی کیین‌گه قالدیریلگن ایدی.
شونده‌ی بیرحالده، خلق‌ارا نهادلر افغانستان ده اقتصادی وضعیت یمان‌لنیشی و انسانی بحران یوزبیریشی دن خواطر بیلدیریب و انسانی یاردم‌لر تیزلیکده افغانستان گه یوباریلیشی نی سوره‌گن ایدیلر.
ینگی‌لیکده بحران گروهی نینگ ایتیشیچه، افغانستان گه قرشی قوییلگن چیکلاولر کوتاریلمه‌گن صورتده، بو ممکلت یشاوچی‌لریدن بیر میلیونی آچلیک و ساووق‌لیک سبب جان بیریش‌لری ممکن.
