بیرلشگن ملت‌لر تشکیلاتی باش کاتبی آنتونیو گوترش، سه‌شنبه کونی، ۲ جوزا، ترقه‌تگن بیانیه‌سیده، دنیا اولکه‌لری جهان اوروش‌لریده تینچ اهالینی حمایه قیلیش ده ناکام قالگنینی ایتگن.
بیرلشگن ملت‌لر تشکیلاتی تامانیدن ترقه‌لگن معلومات اساسیده، ۲۰۲۲_ییل ده دنیا بویلب اوروش‌لرده قریب ۱۷ مینگ تینچ اهالی هلاک بولیب و باشقه میلیون‌لرچه کیشی آواره بولگن، اوشبو گزارش اساسیده تینچ اهالی تلفاتی ۲۰۲۱_ییل گه نسبتن ۵۳ فایز آشگن.
بیزلرنینگ فیسبوک صحیفه‌میزگه باش اورینگ!
۲۰۲۲_ییل ده افغانستان، نیچه سنه اوروش و ناتینچ‌لیک دن کیین سیزیلرلی درجه ده جبهه‌ای توقنشوولر گواهی ایدی؛ بیراق نیچه سنه دن بویان افغانستان ده دوام ایتیب کیلگن اوروش‌لر اوشبو مملکت یشاوچیلریدن قربان‌لیک آلگن.
بیرلشگن ملت‌لر تشکیلاتی باش کاتبی نینگ بیاناتی بیلن، ایش بیلرمان‌لر مذکور تشکیلات نی نه‌فقط اوروش نی آلدینی آلیش بولیمی، بلکه دنیا ده زوروانلیک‌لرنی کوچه‌یتیریش گه عیبله‌یدیلر.
امنیتی ایشلری بوییچه ایش بیلرمان عبدالواحد طاقت گه کوره: «بیرلشگن ملت‌لر تشکیلاتی، دنیا، افغانستان و منطقه ده بولگن برچه جنایت‌لر نینگ تخمیناً ۶۰ فایزی گه دخیل و گناه‌کار دیر.»
شونینگدیک، یوسف امین‌زازی نینگ ایتیشیچه: «بیرلشگن ملت‌لر تشکیلاتی گه اعضا مملکت‌لر اوز قورال‌لرینی ساتیب و تروریزم نی کوچه‌یتیریشماقده، لیکن بیرلشگن ملت‌لر تشکیلاتی جیم دیر.»
باشقه تاماندن، ایش بیلرمان‌لردن قطاری نینگ ایتیشلریچه، بیرلشگن ملت‌لر تشکیلاتی حاضرگی اقدام‌لری گه دوام بیرگن تقدیرده، جهان خوفسیزلیگی جدی خطر بیلن روپه‌ره بولیشی ممکن.
بیزلرنینگ توییترده هم تعقیب قیلینگ!
سیاسی ایش بیلرمان عزیز معارج نینگ ایتیشیچه: «بیرلشگن ملت‌لر تشکیلاتی شکللنگندن بویان اوروش بار و دنیا بویلب کوچلی اولکه‌لر اوچینچی جهان گه هجوم قیلیب و تینچ اهالی دن کوپراق قربان‌لیک آلگن، بیراق بیرلشگن ملت‌لر تشکیلاتی جیم دیر.»
بیرلشگن ملت‌لر تشکیلاتی نینگ معلوماتی اساسیده، دنیا بویلب دوام ایته‌یاتگن اوروش و ناتینچ‌لیکلر، انسانی تلفات گه علاوه ۱۱۷ میلیون کیشی نی آچلیک خوفی بیلن روپه‌ره قیلگن.
