دنیا بانکی نینگ مدیره هیأتی افغانستان گه ۱۳۲ میلیون دالرلیک مالی یاردم نی تصویب قیلگن. اوشبو یاردم اوتگن کون تصویب بولدی.
دنیا بانکی بیر اعلامیه ترقه‌تیب ایتیشیچه، مذکور مقدار پول اساسی اصلاحات کیلتیریش پروسه دوام تاپیشی، دولتی اداره‌لر مصرفی یخشی‌لنیشی و مالی تنیق‌لیک تأمین‌لنیشی، حکومتدارلیک کوچه‌یشی و خصوصی سرمایه یاتقزیش نی تشویق قیلیش بیلن افغانستان اقتصادی رواجله‌نیش گه قول تاپیشی خصوصیده صرفلنه‌دی.
شونده‌ی بیرحالده، دنیا بانکی نینگ اعلامیه‌سیده کیلیشیچه، افغانستان نی قیته قوریش صندوقی بو برنامه دن حمایت قیلیش اوچون ۳۰۰ میلیون دالر یاردم بیره‌دی.
بیزلرنینگ فیسبوک صحیفه‌میزگه باش اورینگ!
افغانستان قیته قوریش صندوقی نی ۳۰۰ میلیون دالری بیلن، بو مملکتده مالی یاردم نینگ توپله‌می حاضرگچه ۴۳۲ میلیون دالرگه ییتیشگن. دنیا بانکی نینگ ایتیشیچه، سیاسی وضعیت یخشی بولمه‌گنی و کرونا ویروسی اقتصادی وضعیت، دولت نینگ مالی سیستمی و اجتماعی رواجله‌نیش نتیجه‌لری اوستیگه سلبی تأثیر قویگن.
اوشبو بانک نینگ اعلامیه‌سی اساسیده، اوتگن میلادی ییل کرونا ویروسی نینگ ییرلگنی و شهرلرنینگ قرنطینه بولگنی باعث، اهالیدن کوپینچه‌سی وظیفه و ایش‌لرینی قولدن بیریب و افغانستان نینگ اقتصادی رواجله‌نیش میزانی ایکی فایز گه قویی کیلگن.
شونده‌ی بیرحالده، افغانستان اوچون دنیا بانکی نینگ دفتر رئیسی هینری کرالی نینگ ایتیشیچه: «مذکور مالی یاردم تصویب ایتیلیشی، افغانستان اقتصادی و اجتماعی وضعیت یخشی‌لنیشی اوچون دنیا بانکی نینگ دایمی و اوزون مدتلی تعهدی نی کورسته‌دی.»
بیزلرنینگ توییترده هم تعقیب قیلینگ!
شونینگدیک افغانستان اوچون دنیا بانکی دفتر رئیسی نینگ ایتیشیچه، دنیا بانکی بونده‌ی قیین وضعیت ده افغانستان خودکفالیک ییتیشیشی و اقتصادی رواجله‌نیشی اوچون اصلاحات دوام تاپیشی و یوتوقلرنی سقلش خصوصیده افغانستان دولتی بیلن یقیین همکارلیگی گه دوام بیره‌دی.
