بلخ ایکینچیلیک، سووغاریش و چاروهچیلیک ریاستی، اوشبو ولایت بویلب کانگو کسللیگیگه قرشی کورهش کمپاینی باشلنگنیدن خبر بیرگن.
مذکور کمپاین کانگو کسللیگی ترقهلیشی آلدی آلینیشی، حالتلری کمهیشی و بو کسللیکنینگ تاشووچیسینی یوق قیلیش مقصد، بوگون (۲۹-ثور، سهشنبه)، باشلنگن.
بلخ ایکینچیلیک ریاستی ییتکرمهلر مسئولی شمسالدین گلزارنینگ ایتیشیچه، اون کونلیک بو کمپاین «اکتید» موسسهسی همکارلیگی بیلن باشلهنیب و چاروهلر بیلن اولرنینگ سقلنهدیگن جاییگه دارو سیپیلهدی.
شوندهی بیرحالده، بلخ ساغلیقنی سقلش ریاستینینگ ایتیشیچه، اوشبو ولایت بویلب کانگو کسللیگیگه چلینیشی آلدی آلینیشی مقصد آگاهیلیک بیریش کمپاینی باشلنگن.
بلخ ساغلیقنی سقلش ریاستی سوزلاوچیسی کمالخان زدراننینگ ایتیشیچه، بیر کونلیک بو کمپاینده مذکور ولایت مرکزی مزارشریف شهرینینگ تورلی ناحیه یشاوچیلریگه کانگو کسللیگی طفیلی خوفلری حقیده آگاهیلیک بیریلیشی ممکن.
ایتیش کیرهک که، اوتگن کونی کانگو کسللیگی خوفلری آلدی آلینیشی اوچون سمنگان ولایتی ایبک تومنیده بو کسللیککه قرشی کورهش کمپاینی باشلنگن ایدی.
