جمعه کونی، ۲۵ نومبر، «خاتین قیزلر گه قرشی زوروانلیککه چیک قوییش کونی گه ماس دیر.» اوشبو کون مناسبتی بیلن، افغانستان ده انسان حقلری وضعیتی خصوصیده خواطر بیلدیریلماقده. اسلام امیرلیگی حکومتی اوشبو تنقیدلر و خواطرلر گه قتیق مناسبت بیلدیرگن.
اولکه تشقی ایشلر وزیرلیگی سوزلاوچیسی عبدالقهار بلخی، افغانستان ده بیرلشگن ملت‌لر تشکیلاتی اورین باسرلیک هیأت دفتری (یوناما) نینگ بیانیه‌سیگه مناسبت بیلدیریب اوز توییتری ده یازیشیچه، دموکراتیک اولکه‌لرده عیاللر بعضی زوروانلیکلر بیلن روپه‌ره دیر لیکن اسلام امیرلیگی، خاتین قیزلر گه قرشی زورانلیکلرنی کمه‌یتیریش اوچون بعضی چاره تدبیرلرنی کورماقده دیر.
عبدالقهار بلخی گه کوره: «امریکا قوشمه ایالت‌لریده هر ۳ عیال دن بیری جنسی زورلنیش و زوروانلیکنی تجربه قیله‌دی، بو گَل ایشلر باشقه دموکراتیک دولت‌لر ده هم یوز بیره‌دی، اسلامی حکومت‌لر خاتین قیزلرنی بونده‌ی زوروانلیکلردن قوریقلش گه مکلف دیر.»
مملکت تشقی ایشلر وزیرلیگی سوزلاوچیسی اوز توییتری ده، دنیا همجمعیتدن اسلام دینی قاعده‌لری گه حرمت قیلیش‌لرینی طلب قیلگن.
#Afghanistan has one of world's highest levels of violence against women. Ending the violence & restoring women & girls rights is crucial for any lasting peace. International Day for #EVAW @۱۶DaysCampaign. Read statement: https://t.co/jhftxaufiv pic.twitter.com/jmBLqaceZg
— UNAMA News (@UNAMAnews) November 25, 2022
باشقه تاماندن، جمعه کیچه -۴ قوس، اسلام امیرلیگی سوزلاوچیسی ذبیح‌الله مجاهد اوز توییتری ده یازیشیچه، دُره اوریش اسلام قاعده‌لریدن دیر و بونگه قرشی‌لیک قیلیش، اسلام دینی گه حرمت سیزلیک قیلیش دیر.
اسلام امیرلیگی سوزلاوچیسی نینگ یازیشیچه: «افغانستان اسلام امیرلیگی، بیرلشگن ملت‌لر تشکیلاتی عالی کمیشنری سوزلاوچیسی و غربی مملکت‌لر ایلچیلری نینگ، اسلام دینی قانون_قاعده‌لری عملگه آشیریلیشی جمله دن عام حضوریده دُره اوریلیشنی شفقت‌سیزلیک و انسانیت گه قرشی دیگن سوزلرینی قاره‌لب و اونی اسلام دینی و خلق‌ارا قاعده‌لری گه قرشی بیله‌دی.»
بیزلرنینگ فیسبوک صحیفه‌میزگه باش اورینگ!
جناب مجاهد، اولکه‌لر و تشکیلات‌لردن اوز آدرس‌لریدن مغرض کیشی‌لر گه اسلام دینی باره‌سیده «مسئول‌سیز و تحریک قیلووچی» سوز یوریتیش گه رخصت بیرمسلیکلرینی سوره‌گن.
برچه‌سی بیلن، ایش بیلرمان‌لر بو گَل بیانات‌لر عاقبتیدن خواطر بیلدیرماقده. حقوقی ایش بیلرمان عبدالشکور دادرس نینگ سلام‌وطندار گه ایتیشیچه: «بیز دنیا اولکه‌لری بیلن قرشی‌لیک قیله آلمه‌یمیز. قرشی‌لیک قیلگن حالده افغانستان خلقی ضرر کوره‌دی. انسان پرورلیک یاردم بیریلمه‌گن تقدیرده، وضعیت کیسکین‌لشه‌دی. بیز دنیا ده اوزیمیزنی بیر عایله و دنیا مملکت‌لری نینگ بیری بیلیشیمیز کیره‌ک.»
بوتوغریده سیاسی ایش بیلرمان طارق فرهادی نینگ سلام‌وطندار گه ایتیشیچه: «افغانستانده‌گی عیاللر تعلیم دن محروم بولگن، عیاللر نینگ انسانی و اسلامی حقوقی آلینگن. عین‌حالده، حد عملی بولیشی که اسلام امیرلیگی تماشا توزه ته‌دی باشقه سوال‌لر تاپیلیشی گه سبب بوله‌دی، بو گَل قضیه‌لر اسلام امیرلیگی ایچیده هم موجود دیر.»
سیاسی ایش بیلرمان محمود اضطرابی نینگ ایتیشیچه، افغانستان نینگ حاضرگی شرایطی گه بناً، دنیا بیلن تعامل قیلیش کیره‌ک.
اونگه کوره، دنیا همجمعیت بیلن بو گَل تارتیشوولر دوامی، افغانستان نینگ سیاسی تنزل گه یوز توتیشی و دنیا اولکه‌لریدن افغانستان نینگ اوزاققه قالیشی گه سبب بوله‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «افغانستان برچه ساحه‌لرده مناسبتینی کیسیب و اوزینی دنیا دن اجره‌تگن. دنیا دن اوزاقله‌شیش، کونسه‌یین افغانستان نی ضعیف لشیشی گه سبب بوله‌دی، بوتوغریده کوپراق اهالی زیان کوره‌دی.»
افغانستان ده انسان حقلری رعایت ایتیلمسلیگیگه دایر خلق‌ارا مناسبت‌لر عین‌حالده کیسکین‌لشماقده که، اوتگن هفته چهارشنبه کونی -۲ قوس، لوگر محکمه‌سی اوغیرلش، اخلاق‌سیزلیک و ناقانونی رابطه گه عیبلنگن ۳ عیال شامل ۱۷ کیشینی، عام حضوری ده دُره اوردی.
ایتیش کیره‌ک که، بوندن آلدین اسلام امیرلیگی، بامیان، تخار و مملکت نینگ باشقه بیر قطار ولایت‌لریده اخلاق‌سیزلیککه عیبلنگن عیاللر و ایرکک‌لرنی عام حضوری ده دُره اورگن.
