اسلامی امارت، بیرلشگن ملت‌لر تشکیلاتی ایش بیلرمانلری نینگ اعلامیه‌سی‌گه قرشی عکس‌العمل بیلدیریب ایتیشیچه، افغانستانده اسلامی امارت حاکم بولگندن بویان هیچ بیرعیال قتل ایتیلمه‌گن وعیاللرگه قرشی هیچ قنده‌ی زوروانلیک صورت تاپمه‌گن.
شونینگدک ، اسلامی امارت سوزلاوچی‌لریدن بیری بلال کریمی سلام‌وطندار بیلن اوتکزگن صحبتی‌ده ایتیشیچه، مملکت‌ده اسلامی امارت حاکم بولیشی بیلن بیرگه مملکت یشاوچیلری نینگ حقوقی تینگ شکلده تأمین ایتلیگن.
بیزلرنینگ فیسبوک صحیفه‌میزگه باش اورینگ!
جناب کریمی گه کوره: «سیزلر بیله‌سیزلرکه افغانستانده اسلامی امارت حاکم بولگندن بویان عیاللر حقوقی تامین ایتیلیب و اولرگه قرشی هیچ قنده‌ی زوروانلیک صورت تاپمه‌گن.»
سونگی کونلرده بیرلشگن ملت‌لر تشکیلاتی ایشلر بیلرمانلریدن قطاری افغانستان عیاللری نینگ حقوقی وضعیتی توغریسیده اعلامیه صادر قیلگن که مذکور اعلامیه اساسیده، اسلامی امارت و آمریکا افغانستانده عیاللر حقوقی ایاق آستی بولیشی‌گه سبب بولگن.
اعلامیه‌ده کیلیشیچه، اسلامی امارت نینگ عیاللر برابریده‌گی تبعیضلی یانده‌شوولری، افغانستان بویلب خاتین قیزلر حقوقی وضعیتینی آغیرلشتیرگن.
عین‌حالده، افغانستان مقتدر عیاللر جنبشی نینگ اساس چیسی و عیاللر حقوقی فعاللریدن بیری مونسه مبارز، سلاو‌طندار بیلن اوتکزگن صحبتی‌ده ایتیشیچه، آمریکا و شیریکلری افغانستانده دموکراسی و انسان حقوقینی تامین‌لش مقصدیده کیلگن ایدیلر، بیراق مقصدگه ایریشمه‌دیلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، آمریکا نینگ افغانستاندن شاشیلینچ روشده چیقیشی سبب، افغانستان عیاللری نینگ حقوقی ایاق آستی بولگن. خانم مبارز نینگ کوپه‌یتیریشیچه: «مینیمچه آمریکا و اسلامی نینگ نقشی، عیاللر حقوقی رعایت ایتیلمَسلیگی و عیاللرگه قرشی زوراوان‌لیکلر کوپه‌یشی خصوصیده تینگ دیر.»
ایتیش کیره‌ک دیر کیم اسلامی امارت نینگ، افغانستانده هیچ بیرعیال‌گه قرشی زوراوانلیک صورت تاپمه‌گنلیگی خصوصیده‌گی ادعالری شونده‌ی بیرحالده، مطرح قیلینه‌دی که اسلامی امارت افغانستانده حاکم بولگندن بویان کابل، قندهار و مزارشریف ولایت‌لریده نیچیته عیال نینگ جسدلری سرک‌لر و اخلت‌لردن تاپیلگن.
