سرپل خوفسیزلیک مسئوللری نینگ ایتیش‌لریچه، اسلام امیرلیگی کوچلری اوشبو ولایت‌ده بیر ایرکک و بیر عیال نی اخلاقی فساد عیبی بیلن قولگه آلگنلر.
سرپل امنیه قوماندانلیگی سوزلاوچیسی دین‌محمد نظری نینگ سلام‌وطندار گه ایتیشیچه، اسلام امیرلیگی کوچلری چهارشنبه، ۹-قوس مذکور ولایت نینگ سوزمه‌قلعه تومنی اطرافیده اخلاقی فساد عیبی بیلن بیر ایرکک و بیر عیال نی قولگه آلگنلر.
بیزلرنینگ فیسبوک صحیفه‌میزگه باش اورینگ!
سرپل امنیه قوماندانلیگی سوزلاوچیسی گه کوره، مذکور ایکی کیشی نینگ دوسیه‌سی تیکشیروودن کیین، عدلی و قضایی نهاد‌لر گه تاپشیریلگن.
دین‌محمد نظری نینگ کوپه‌یتیریشیچه، باشقه بیر خبر اساسیده، اسلام امیرلیگی نینگ خوفسیزلیک کوچلری مذکور ولایت مرکزی‌ده اوغیرلاوچی‌لیک عیبی بیلن ایکی کیشی و کلتک‌لش عیبی بیلن آلتی کیشی نی قولگه آلگن دیر.
بیزلرنینگ توییترده هم تعقیب قیلینگ!
ایتیش کیره‌ک که، شونینگدیک بوندن آلدین مملکت نینگ تورلی ولایت‌لریده نامشروع رابطه و اخلاقی فساد عیبی بیلن ایرکک‌لر و عیال‌لردن قطاری اسلام امیرلیگی نینگ خوفسیزلیک کوچلری آرقه‌‌لی قولگه آلینگن.
