ایش بیلرمانلردن بیرقطاری نینگ ایشانچی گه کوره، اسلامی امارت تامانیدن کابل ده اوتکزیلگن دین عالملری ییغینیده، مهم موضوعلر و مسئلهلر بحث گه آلینمهگن.
سیاسی ایش بیلرمان امانالله هوتکی نینگ ایتیشیچه، دین عالملری اسلام قانون_قاعدهلری اساسیده آلتینچی صنف دن یوقاری قیزلر نینگ مکتبلری آچیلیشی، اساسی قانون، نظام قندهیلیگی و اقتصاد بارهسیده بحث قیلینیشی کوتیلر ایدی؛ بیراق عکسینچه مذکور ییغین سرپرست حکومت دن حمایت قیلیش اوچون یولگه قوییلدی.
بیزلرنینگ فیسبوک صحیفهمیزگه باش اورینگ!
سیاسی ایش بیلرمانلردن بیری نورشاه نورانی نینگ ایتیشیچه، دین عالملری ییغینیده افغانستان خلقی نینگ خواست_ارادهلری عملی بولمهدی.
اونگه کوره، دین عالملری آلتینچی صنفدن یوقاری قیزلر نینگ مکتبلری آچیلیشی خصوصیده واحد قرار آلیشلری کوتیلر ایدی، لیکن بوندهی بولمهدی.
جناب هوتکی گه کوره، افغانستان تقدیری و باشقه مهم مسئلهلر همده حاضرگی قیینچیلیکلر حلی اوچون کیلهجک ده برچه قوملر، مدنی نهادلر و خاتین قیزلر شامل بویوک جرگه یولگه قوییلیشینی تکلیف قیلهدی.
بیزلرنینگ توییترده هم تعقیب قیلینگ!
کابل ده دین عالملری نینگ اوچ کونلیک ییغینیده، تخمیناً ۳۵۰۰ کیشی اشتراک ایتگن ایدی و مذکور ییغین اوتگن کونی ۱۱ مادهلیک بیر قطعنامه صادر ایتیش بیلن یکونلندی.
ایتیش کیرهک که، اجتماعی شبکهلر ایشلاوچیلری اوشبو ییغین گه واکنش کورسهتیب ایتیشلریچه، بو ییغین دنیا جماعهچیلیگی نینگ قراری اوستیگه تأثیر قیلمهیدی.