کابل ده دین عالملری نینگ اوچ کونلیک ییغینی یکونیده، اوشبو ییغینده اشتراک ایتگنلر ۱۱ مادهلیک بیر قطعنامه صادر قیلیب و افغانستان اسلامی امارت نظامی دن اوز حمایتلرینی اعلام قیلدیلر. اوشبو قطعنامه اساسیده، دین عالملری ییغینیده اشتراک ایتگنلر اسلامی امارت رهبری هبتالله آخوندزاده گه بیعت قیلگنلر.
افغانستان دین عالملری ییغینیده اشتراک ایتگنلر مذکور قطعنامه ده، دنیا جماعهچیلیگی و خارجی تشکیلاتلردن، اسلامی امارت توزومینی مشروع بیر نظام اولهراق رسمیت گه تانیب و او بیلن مثبت تعامل قیلیشلرینی سورهگنلر.
بیزلرنینگ فیسبوک صحیفهمیزگه باش اورینگ!
باشقه تاماندن اوشبو ییغینده اشتراک ایتگنلر، اولر بنگوار مادهلری ایکیلیشی و قاچاقی آلدینی آلینیشی گه دایر اسلامی امارت رهبری نینگ فرمانیدن حمایت قیلهدیلر و شونینگدیک اولر قوشنی، منطقه و دنیا مملکتلریدن افغانستان نینگ ایچکی ایشلری گه ارهلشمسلیکلرینی سورهگنلر.
مذکور قطعنامه ده آلتینچی صنفدن یوقاری قیزلر نینگ مکتبلری آچیلیشی بارهسیده آیدینلیک کیریتیلیشی کوتیلر ایدی؛ بیراق اوشبو قطعنامه نینگ توقیزینچی مادهسیده برچه موردلر گه قوشیمچه، تعلیم و خاتین قیزلر نینگ حقوقی گه اشاره قیلینگن.
کابل ده دین عالملری نینگ اوچ کونلیک ییغینیده، ایکی کیشی عیاللر نینگ تعلیمی اوستیگه تاکید ایتدیلر.
دین عالملری ییغینی اشتراکچیلریدن بولمیش سیدنصرالله واعظی، اوشبو ییغین بیرینچی کونیده خاتین قیزلر نینگ تعلیمی دن حمایت ایتیشیدن سونگ، بوگون سوو و برق وزیرلیگی نینگ مصلحتچیسی فاروق اعظم، عیاللر تعلیمی دن حمایت قیلیب و آلتینچی صنفدن یوقاری قیزلر نینگ مکتبلری تیزلیک بیلن آچیلیشینی معلوم قیلدی. اونینگ ایتیشیچه: «خاتین قیزلر یوزی گه بیلیم ایشیگی یاپیلیشی کیرهک ایمس. یالغیز ایش یکونی دیر، بن لادن قصهسینی توزهتمنگیزلر. امارت خطر گه روپهره بولهدی. قیزلر نینگ تعلیمی شرعی بیر مسئله دیر، بولر امارت گه یولنی آچگنلر دیر و کوپ قربانلیک بیریشگن و اولرنی بیلیم دن محروم قیلمنگیزلر.»
بیزلرنینگ توییترده هم تعقیب قیلینگ!
باشقه تاماندن، اوشبو ییغین اشتراکچیلریدن باشقه بیری عبدالستار غفور نینگ ایتیشیچه، افغانستان جامعهسی ایریم ساحهلرده متخصص عیاللر گه نیازمند دیر.
ایتیش کیرهک که، دین عالملری ییغینی اوتگن هفته پنجشنبه باشلنیب و بوگون شنبه یکونلندی. مذکور ییغینده ۴ مینگ ۵۹۵ کیشی اشتراک ایتگن ایدیلر.