افغانستان وضعیتی گه دایر تاشکینت ییغینیده اشتراک ایتگن آمریکا قوشمه ایالت‌لری نینگ افغانستان ایشلری بوییچه مخصوص نماینده‌سی توماس وست نینگ ایتیشیچه، اوشبو ییغینده اشتراک ایتگنلر اسلامی امارت دن آلتینچی صنف دن یوقاری قیزلر نینگ مکتب‌لری آچیلیشینی طلب قیلگن.
بیزلرنینگ فیسبوک صحیفه‌میزگه باش اورینگ!
جناب وست بوگون (چهارشنبه، ۵ اسد) اوز توییتری ده یازیشیچه، تاشکینت ییغینیده فکرلر ایری ایدی؛ بیراق بعضی موردلرده کیلیشماوچیلیک بار ایدی. اونینگ کوپه‌یتیریشیچه، مذکور ییغینده اشتراک ایتگنلر افغانستان نینگ اقتصادی و انسانی بحرانی دوامیدن خواطرلرینی بیلدیردیلر.
آمریکا قوشمه ایالت‌لری مخصوص نماینده‌سی نینگ کوپه‌یتیریشیچه، آمریکا قوشمه ایالت‌لری افغانستان گه انسان پرورلیک یاردم بیریش اصلی مملکت‌لردن دیر، مالی و خلق‌ارا مؤسسه‌لر یاردمی بیلن ساغلیک، تعلیم، آزیق_آوقات بولیمیده اوز حمایتی گه دوام بیره‌دی.
بیزلرنینگ توییترده هم تعقیب قیلینگ!
وست گه کوره، تاشکینت ییغینده اشتراک ایتگنلردن قطاری، افغانستان ده بشری حقوق نقض ایتیلیشی جمله‌دن خبرچی‌لر و خاتین قیزلر گه چیکلاولر یره‌تیلیشی خصوصیده اوز خواطرلرینی بیلدیرگنلر.
