مملکت بوییلب دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل» قیلیش اساسیده‌گی اسلام امیرلیگی نینگ قراری گه قرشی عکس‌العمل‌لر دوامی‌ده، پاکستان تشقی ایشلر وزیرلیگی، اوشبو قرار خصوصیده ناامید‌لیک بیلدیریب و اسلام امیر‌لیگی‌دن اوز قراری نی قیته کوریب چیقیشی نی ایسته‌گن.
مذکور وزیرلیک بوگون (چهارشنبه، ۳۰-قوس) بیر اعلامیه ترقه‌تیب ایتیشیچه، قیزلر نینگ تعلیم آلیش خصوصیده‌گی پاکستان نینگ پزیتسیه‌سی انیق و ثابت دیر.
بیزلرنینگ فیسبوک صحیفه‌میزگه باش اورینگ!
پاکستان تشقی ایشلر وزیرلیگی نینگ کوپه‌یتیریشیچه: «اسلام بویروغی اساسیده تعلیم کوریش هر بیر عیال و ایرکک نینگ حقی بولگنی گه ایشانچی‌میز کامل دیر.»
عین‌حالده عالی اوقوو وزیرلیگی، طلبه قیزلر نینگ اوقیشینی «کیینگی امرگچه» توخته‌تگن. مذکور وزیرلیک اوتگن کون بیر مکتوب آرقه‌لی دولتی و خصوصی برچه بیلیم یورت‌لر گه، طلبه قیزلر نینگ اوقیشینی «تعطیل» قیلیش بویروغینی بیرگن.
بیزلرنینگ توییترده هم تعقیب قیلینگ!
اوشبو مکتوب ده یازیلیشیچه، طلبه قیزلر نینگ اوقیشی توخته‌تیلیش قراری، اسلام امیرلیگی حکومتی کابینه‌سی قراری گه بناً آلینگن.
طلبه قیزلر نینگ اوقیشی توخته‌تیلیش قراری، ملی و خلق‌ارا کینگ کولملی مناسبت‌لر بیلن روپه‌ره بولگن.
