تیتیپی؛ اسلام امیرلیگی و پاکستان آرهسیده حاضرگچه حل بولمهگن بیر معما دیر. پاکستان حکومتی گه کوره، افغانستان ده تیتیپی اعضالری موجود و اسلام امیرلیگی برچه تامانلمه اولر دن حمایت قیلهدی؛ بیراق اسلام امیرلیگی نیچه مرته بو کبی ادعالرنی رد قیلگن.
دوشنبه کونی، ۲۹-عقرب، پاکستان بلوچستان ایالتی نینگ مدنیت وزیری جاناچکزی مطبوعاتی بیر ییغیلیش ده، افغانستان ده پاکستانلیک طالبلر تحریکی موجود بولیب و اسلام امیرلیگی تامانیدن حمایت بولیشینی ادعا قیلگن.
بیزلرنینگ فیسبوک صحیفهمیزگه باش اورینگ!
اونگه کوره: «تیتیپی گه قورال بیریلهدی، اسلام امیرلیگی قوماندانلری تامانیدن قوللب_قوتلنهدیلر، بوندن آلدین امریکا کانگرسی، بو مملکت نینگ افغانستان ده قالگن قورال_یراغلری اسلام امیرلیگی تامانیدن تیتیپی اعضالری گه بیریلگنی دن خبر بیرگن ایدی و بیزنی استخباراتی معلوماتی میزهم بو خبرنی تصدیقلهیدی.»
اوشبو بیانات دن بیر کون آلدین، پاکستان وقتینچهلیک باش وزیری انوارالحق کاکر، یکشنبه کونی، ۲۸-عقرب، یینه بیر بار افغانستان ده تیتیپی اعضالری بارلیگیدن خواطر بیلدیرگن.
اسلام امیرلیگی بو بیانات نی ناتوغری دیب ایتیشیچه، افغانستان هیچ بیر مملکت اوچون تهدید ایمس دیر.
اسلام امیرلیگی سوزلاوچیسی ذبیحالله مجاهد، بو مسئله گه دایر سلاموطندار گه ایتیشیچه: «افغانستان هیچ بیر مملکت گه تهدید بولیشنی ایستمهیدی، اینیقسه قوشنی پاکستان گه، اولر بیز تاماندن زیان کوریشنی ایستمهی میز، بیراق اولر ایچکی قیینچیلیکلرینی بیز گه نسبت بیرهدیلر، افغانستان هیچ بیر مملکت اوچون تهدید ایمس دیر.»
سونگی ایکی ییل ده اسلام امیرلیگی و پاکستان رسمیلری، افغانستان ده تیتیپی اعضالری بارلیگی خصوصیده لفظی تارتیشیب کیلگن، بو معمالر نهایت پاکستان دن افغانستانلیک قاچقینلر نینگ جبر دن چیقریلیشی و افغان سوداگرلری گه باسیم و چیکلاو یرهتیلیشی گه سبب بولگن.
بیزلرنینگ «ایکس» ترماغی ده هم تعقیب قیلینگ!
خلقارا مناسبتلر ایش بیلرمانی محمدباقر محسنی نینگ ایشانچی گه کوره، بو تارتیشوولر ایکی تامانلمه سلبی عاقبتلر گه قوشیمچه، دنیا بویلب ایکی مملکت نینگ اورنی گه زیان ییتکیزهدی.
او نینگ ایتیشیچه: «بو لفظی تارتیشوولر دنیا بویلب افغانستان و پاکستان نینگ ایشانچی گه زیان ییتکیزهدی، پاکستان حکومتی و اسلام امیرلیگی بو قیینچیلیک نی مذاکره آرقهلی حل قیلیشی کیرهک.»
ایتیش کیرهک، اوشبو قرمه قرشیلیکلر دوامیده، افغانستان و پاکستان آرهسیده جایلشگن تورخم بندری، ینگیلیکده یولاوچیلر یوزی گه یاپیلگنی معلوم قیلینگن.