افغانستان برابریده پاکستان رسمی‌لری نینگ تنقیدی بیانات‌لری سونگی ده؛ اوشبو مملکت نینگ وقتینچه‌لیک تشقی ایشلر وزیری جلیل عباس جیلانی، شنبه کونی، ۱۸ سنبله، خبری ییغیلیش ده، اسلام امیرلیگی دن افغانستان توپراغیده پاکستان خوفسیزلیگی برابریده فعالیتی بولگن عصیانچی گروه‌لر جمله دن پاکستان‌لیک طالبلر تحریکی نی سرکوب قیلیشینی سوره‌گن.
اوتگن ایکی ییل ده پاکستان رسمی‌لری نیچه مرته بو کبی بیانات بیرگن، افغانستان و پاکستان اورته‌سیده حل بولمه‌ی قالگن خوفسیزلیک مسئله، هر کونی ایکی مملکت ارا ترنگلشماقده دیر.
بیزلرنینگ فیسبوک صحیفه‌میزگه باش اورینگ!
ایش بیلرمانلر، پاکستان رسمی‌لری نینگ اوشبو بیاناتیدن تنقید قیلیب ایتیشلریچه، مذکور مملکت رسمی‌لری نینگ ناتوغری سیاستی باعث پاکستان وضعیتی کونسه‌یین بحرانلی بولماقده.
سیاسی مسئله‌لر ایش بیلرمانی محمود اضطرابی نینگ سلام‌وطندار گه ایتیشیچه: «پاکستان رسمی‌لری نینگ ناتوغری سیاستی باعث وضعیت‌لری کونسه‌یین بحرانلی بولماقده، بیراق اوز تام‌لری قارینی باشقه‌لر نینگ تامی اوستیگه تشلش اوچون سعی‌وحرکت قیلماقده‌لر، دولت‌لر هردایم مسئولیت دن قاچیب و باشقه‌لرنی عیبدار کورسه‌تیش اوچون تلاش قیله‌دیلر.»
اوتگن هفته چهارشنبه کونی، ۱۵ سنبله، اسلام امیرلیگی و پاکستان چیگره‌چیلری نینگ توقنشووی باعث، بیش کوندن بویان افغانستان و پاکستان اورته‌سیده تورخم بندری ترانسپورتی واسطه‌لر و یولاوچیلر یوزی گه یاپیلگن.
اسلام امیرلیگی تشقی ایشلر وزیرلیگی بیر بیانیه ترقه‌تیب بو مسئله حل بولیشینی سوره‌گن. شونینگدیک افغانستان تشقی ایشلر وزیرلیگی پاکستان تامانیدن قوشنی‌چیلیک قاعده‌لر گه قرشی عمل قیلیشینی طلب قیلگن.
بیزلرنینگ توییترده هم تعقیب قیلینگ!
برچه‌سی بیلن ایش بیلرمانلر، افغانستان و پاکستان ارا کیسکین‌لیک‌لر ایکی مملکت فقرالری نینگ اوستیگه سلبی تأثیر قیلیب و بو قرشی‌لیک‌لر دیپلوماتیک و مذاکره آرقه‌لی حل ایتیلیشی اوستیگه تأکید ایته‌دیلر.
سیاسی ایش بیلرمان یوسف امین‌زازی نینگ ایتیشیچه: «پاکستان افغانستان نینگ ایچکی ایشلری گه اره‌لشمه‌ی و بو مملکت برابری ده دسیسه توزمسلیک اوچون دیپلوماتیک سعی‌وحرکت‌لر حاضرگچه نتیجه بیرگن یوق.»
عین‌حالده، اوتگن هفته پنج‌شنبه کونی پاکستان‌لیک طالبلر تحریکی، پاکستان خوفسیزلیک کوچلری نینگ ایکی پوسته‌سینی باسیب آلیب و مذکور کوچلر نینگ توقیز ته‌سینی اولدیرگن.
